Jamiyat

Jizzax-Toshkent yoʻlining Qozogʻistondan oʻtgan qismi ochiladi

Ushbu yilning fevral oyida M-39 yoʻlining Qozogʻistondan oʻtgan qismi faqat yengil avtombillar uchun ochiladi.

TOSHKENT, 7 yanv – Sputnik. Oʻzbekiston va Qozogʻiston delegatsiyalari uchrashuvida M-39 trassasining Qozoigʻistondan oʻtgan qismini ochish haqida kelishib olindi, deb xabar qilmoqda Nuz.uz nashri TVK telekanali xabariga asosan.

Ushbu kelishuv Oʻzbekiston TIVining maxsus topshiriqlar boʻyicha elchisi Ilhom Neʼmatov va Janubiy Qozogʻiston viloyati rahbari Janseit Tuymebayevlar uchrashuvidan keyin maʼlum boʻldi.

M-39 trassasi Olmaotadan – Termizgacha davom etib, umumiy uzunligi 808 kilometrni tashkil qiladi. Trassa Qozogʻiston, Qirgʻiziston va Oʻzbekistonning bir necha viloyatlari  hududidan oʻtadi. Toshkent va Samarqand orasidagi M-39 yoʻlining bir qismi Qozogʻiston hududidan oʻtgan boʻlib, u 1998 yilda berkitilgan edi. Shundan keyin Oʻzbekistonning gʻarbiy viloyatlaridan Toshkentga yoʻl olgan barcha avtomobillar Sirdaryo viloyati orqali aylanib 70 km ortiqcha masofa bosib oʻtar edi.

© Yandek KartыM-39 yoʻlining Jizzax-Toshkent boʻlagi
Avtodoroga Djizzak-Tashkent, obʼyezd - Sputnik Oʻzbekiston
M-39 yoʻlining Jizzax-Toshkent boʻlagi

M-39 yoʻlining Qozogʻistondagn oʻtgan boʻlagi ochilganidan keyin, Jizzax va Sirdaryo orasidagi masofa 78 km oʻrniga 24 kmni tashkil qiladi. Kelishilgan shartnomaga koʻra, ushbu yoʻldan faqat yengil avtomobillar harakatlanishi mumkin. Ekspertlar fikriga koʻra, ushbu shartnoma Oʻzbekiston va Qozogʻiston orasida savdo-sotiq munosabatlarini rivojlantirishga qaratilgan ulkan qadam boʻladi.

Eslatib oʻtamiz, oʻtgan yilning oktyabr oyida Oʻzbekiston bosh vaziri oʻrinbosari Ulugʻbek Rozuqulov ishtirokida boʻlib oʻtgan muzokaralarda Oʻzbekiston va Qozogʻiston oasidagi savdo-iqtisodiy munosabatlarni rivojlantirish va ikki mamlakat chegarasi yaqinida savdo hududlari tashkil qilish haqida kelishib olingan edi.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala