O‘zbekistonda 260 km yangi avtomobil yo‘llari quriladi

© Nuz.uzToshkent-Chirchiq-Chimon avtoyo‘li
Toshkent-Chirchiq-Chimon avtoyo‘li - Sputnik O‘zbekiston
Obuna bo‘lish
Prezidentning o‘tgan yilning oxirida imzolangan "O‘zbekiston Respublikasining sarmoyalar dasturi to‘g‘risidagi" qaroriga ko‘ra avtomobil infratuzilmasini yaxshilash maqsadlariga 1,5 trillion so‘m mablag‘ ajratiladi.

TOShKENT, 9 yanv — Sputnik. O‘zbekistonda 2017-yilda 260 kilometr avtomobil yo‘llarini qurish va va ta’mirlash rejalashtirilgan, deb xbar qilmoqda Sputnik muxbiri.

Prezident tomonidan o‘tgan yilning oxirida imzolangan "O‘zbekiston Respublikasining sarmoyalar dasturi to‘g‘risidagi" qaroriga ko‘ra ushbu maqsadlarga 1,5 trillion so‘m mablag‘ ajratilgan. Sarmoyalar Moliya vazirligi huzuridagi Respublika yo‘l fondi mablag‘i hisobidan ajratiladi.

"O‘zavtoyo‘l" AJ matbuot-xizmati xabariga ko‘ra, ushbu yilda Qoraqalpog‘iston hududida 22 km, Buxoro viloyatida — 12 km, Jizzax viloyatida — 16 km, Qashqadaryo viloyatida — 54,8 km, Navoiy viloyatida — 3km, Namanganda — 41,5 km, Samarqandda — 10km yangi avtomobil yo‘llari ekspluatatsiyaga topshirish rejalashtirilgan. Shuningdek Surxondaryo viloyatida — 65,7 km, Toshkentda 25 km, Sirdaryo va Farg‘onada besh kilometrdan yo‘llar topshirilishi kerak.

Ajratilayotgan mablag‘larning bir qismi zamonaviy yo‘l-remont texnikasi sotib olishga, yana bir qismi — loyihalashtirish-tekshiruv ishlari uchun ajratiladi.

Eslatib o‘tamiz, o‘tgan yili Respublika yo‘l fondi avtomobil yo‘llari, ko‘priklar va yo‘l o‘tkazgichlari qurish va  tamirlash uchun 2,8 trillion so‘m mablag‘ ajratilishi haqida xabar bergan edi.

Ushbu mablag‘larning bir qismi yo‘l yaqinidagi infratuzilmani rivojlantirish uchun sarflanadi. Ayni damda respublikadagi avtomobil yo‘llarining umumiy uzunligi 183 ming kilometrni tashkil qiladi. Ulardan 42,6 ming kilometri — umumiy foydalanish uchun mo‘ljallangan respublika va xalqaro miqyosdagi avtombil yo‘llari. O‘zbekiston milliy magistralining uzunligi 3 ming kilometrni tashkil qiladi.

Bugungi kunda O‘zbekistonda amalga oshirilayotgan yo‘lovchi tashish xizmatlarining 95% hamda yuk tashish xizmatining 85% avtomobil yo‘llari orqali amalga oshiriladi. Bu avtomobil yo‘llarining O‘zbekiston ijtimoiy-iqtisodiy hayotida o‘ta muhim o‘rin tutishidan dolalat beradi.

Yangiliklar lentasi
0