Rossiya fuqaroligini qabul qilishni xohlovchilar uchun imtihonlar boshlandi

© Sputnik / Maksim Blinov / Mediabankka o‘tishSaxarovadagi Migratsiya markazi
Saxarovadagi Migratsiya markazi - Sputnik O‘zbekiston
Obuna bo‘lish
Chet el fuqarolari Saxarovadagi Migratsiya markazida 2017-yilning yanvar oyidan boshlab shaxsning rus tili, Rossiya tarixi va qonunchiligidan yetarli bilimlarga egaligini tasdiqlovchi sertifikatlarni olishlari mumkin. Bu hujjat kelajakda Rossiyada vaqtinchalik yashash huquqini beruvchi hujjatlarni rasmiylashtirishda kerak bo‘ladi

TOShKENT, 11 yanv — Sputnik. Rossiya fuqaroligini qabul qilishni xohlovchilar uchun imtihonlar boshlandi, deb xabar qildi Sputnik O‘zbekiston nashriga Saxarovadagi Migratsiya markazi vakili.

Rossiya pasporti - Sputnik O‘zbekiston
Rossiya fuqaroligini olish burokratiyadan mutlaq xoli bo‘lishi kerak - Putin
"Chet el fuqarolari Saxarovadagi Migratsiya markazida 2017-yilning yanvar oyidan boshlab shaxsning rus tili, Rossiya tarixi va qonunchiligidan yetarli bilimlarga egaligini tasdiqlovchi sertifikatlarni olishlari mumkin. Bu hujjat kelajakda Rossiyada vaqtinchalik yashash huquqini beruvchi hujjatlarni rasmiylashtirishda kerak bo‘ladi", — deb ta’kidladi suhbatdosh.

Yuqorida tilga olingan sertifikat chet elliklar tomonidan Rossiyada vaqtinchalik yashash huquqini beruvchi hujjatlarni rasmiylashtirilayotgan vaqtda topshiriladi. Ushbu sertifikatni olganlar — o‘zlarining rusiyzabon xalq orasida tezda va hech qanday qiyinchiliklarsiz ko‘nikish hosil qilishlarini tasdiqlaydilar.

Hujjat rus tili, Rossiya tarixi va qonunchiligiga doir imtihondan o‘tgandan so‘ng beriladi.

Migratsiya markazi Bosh direktori Nikolay Fedoseyevning so‘zlariga ko‘ra, ushbu yangilik chet el fuqarolariga vaqtni tejashda juda qo‘l keladi. "Ular Markazimizda imtihon topshirishlari, sertifikatni qo‘lga kiritishlari va shu yerning o‘zidayoq vaqtinchalik yashash huquqini beruvchi hujjat(vid na jitelstvo)ni rasmiylashirishlari mumkin", — deya ta’kidladi Fedoseyev.

Eslatib o‘tamiz, Rossiya IIV BBning Moskva shahri bo‘yicha Migratsiya masalalari boshqarmasi xodimlari 2016-yilning noyabr oyidan boshlab Saxarovadagi Migratsiya markazida vaqtinchalik yashash huquqini beruvchi hujjatlarni rasmiylashtirish hamda Rossiya fuqaroligini qabul qilish istagida bo‘lgan chet elliklardan arizalarni qabul qilish bilan shug‘ullanishmoqda.

Yangiliklar lentasi
0