TOShKENT, 12 yanv – Sputnik. O‘zbekistonda 2016-yilda yangi tashkil qilingan korxonalar soni bo‘yicha qishloq xo‘jaligi sohasi sanoat, qurilish va savdo sohalaridan o‘zib ketdi, deyilgan Davlat Statistika qo‘mitasi hisobotida.
O‘tgan 2016-yilda qishloq, o‘rmon va baliq xo‘jaliklari sohasida 54445 ta korxona va tashkilotlar tashkil qilingan.
Sanoat va qurilish sohasida – 9661 ta, Savdo sohasida – 8549 ta, yashash va ovqatlanish xizmatlari sohasida – 2840ta, transport va saqlash xizmatlari sohasida – 1666ta, boshqa faoliyatlar turlari bo‘yicha – 6675 ta yangi korxona va tashkilotlar yaratilgan.
Fermer va dehqon xo‘jaliklarini hisobga olmaganda, 2017-yil 1-yanvar holatiga qishloq xo‘jaligida faoliyat ko‘rsatayotgan korxonalar va tashkilotlarning umumiy soni 268,4 mingtani tashkil qildi. Ulardan 218,2 mingtasi kichik tadbirkorlik subyektlaridir.
O‘zbekistonda 2016-yilda ro‘yxatga olingan korxonalar va tashkilotlar umumiy soni 83836 tani tashkil etdi. Ulardan 18623 tasi — Toshkent shahar va viloyati, 11193 tasi – Samarqand, 8120 tasi — Qashqadaryo, 7384 tasi — Andijon, 6668 tasi — Farg‘ona, 5720 tasi — Surxondaryo, 5610 tasi — Jizzax, 4539 tasi — Buxoro, 4342 tasi — Namangan, 4147 tasi —Xorazm, 2370 tasi — Sirdaryo, 2278 tasi — Navoiy viloyatlari va 2842 tasi — Qoraqalpog‘iston Respublikasi hududlariga to‘g‘ri keldi.
