TOShKENT, 13 yanv — Sputnik. Tojikiston prezidenti Emomali Rahmon Dushanbe shahrining sobiq meri Maxmadsaid Ubaydulloyevni birinchi darajali "Zarintoj" (Oltin toj) ordeni bilan mukofotlash haqida buyruqqa imzo chekdi, deb xabar qilmoqda Sputnik Tojikiston nashri.
Xabarda ta’kidlanishicha, Ubaydulloyev ushbu sharafli mukofotni Tojikistonning Bosh vaziri Qohir Rasulzoda qo‘lidan qabul qilib olgan. Tadbir Dushanbening yangi ma’muriyatini xalqqa tanishtirish marosimi doirasida o‘tkazilgan.
Eslatib o‘tamiz, kuni kecha Tojikiston prezidenti Emomali Rahmon 64 yashar Ubaydulloyevni egallab turgan lavozimidan ozod qilgan edi. Dushanbe meri, qariyb 20-yillik faoliyatidan so‘ng iste’foga chiqarildi, deb yozgan nashr. Ubaydulloyev o‘rnini Rahmonning to‘ng‘ich o‘g‘li — 29 yashar Rustam Emomali egalladi.
