Rahmon Tojikistondagi har bir xonadonni 24 soat o‘chmaydigan svet bilan ta’minladi

Obuna bo‘lish
14 yanvar sanasidan boshlab Tojikiston hududidagi barcha xonadon va korxonalar kun davomida o‘chmaydigan elektr quvvati bilan ta’minlanadi

TOShKENT, 14 yanv — Sputnik. Tojikiston prezidenti Emomali Rahmon respublikada svetga bo‘lgan cheklov to‘liq olib tashlanganini e’lon qildi, deb xabar qilmoqda Sputnik Tojikiston nashri.

Tojikiston Respublikasi prezidenti Emomali Rahmon - Sputnik O‘zbekiston
Emomali Rahmon 15-yil ichida Tojikistonni energiya "qamalidan" ozod qilmoqchi
"Aholi hayot tarzini yaxshilash, respublikadagi ishlab-chiqarish korxonalari va boshqa ijtimoiy-iqtisodiy sohalarni yaxshilash maqsadida, 2017-yilning 14-yanvar sanasidan boshlab elektr quvvatiga qo‘yilgan cheklov to‘liq olib tashlanadi. Ya’ni aholi, mamlakatdagi ijtimoiy muassasalar va ishlab-chiqarish korxonalari sutkasiga 24 soat elektr-quvvati bilan ta’minlanadi", — deyiladi xabarda.

Xabarda ta’kidlanishicha, Tojikiston elektr energiyasi mustaqilligiga erishish uchun amalga oshirilayotgan maxsus dastur tufayli bunday natijaga erishilgan.

Nashr shuningdek, Tojikistonda "Janub — Shimol" 500-kilovoltlik elekr uzatish tarmog‘i, ya’ni respublikaning yagona energetik tizimi yaratilgani haqida aytib o‘tgan.

"Emomali Rahmon, o‘z chiqishida, shuningdek, 2016-yilning oxirida "Dushanbe-2" Issiqlikelektrmarkazi foydalanishga topshirilgani, hamda Rog‘un gidroelektrostansiya qurilishi uchun Vaxsh darosi o‘zani to‘silgani haqida gapirdi", — deb xabar qilgan nashr.

Ta’kidlanishicha, Tojikiston prezidenti o‘z nutqi yakunida respublika fuqarolariga murojaat qilib, ulardan elektr quvvatiga tejamkorlik bilan munosabatda bo‘lishlarini, behudaga sarf qilmasliklari hamda svet pulini o‘z vaqtida to‘lashlarini so‘ragan.

Yangiliklar lentasi
0