Iqtisod

Oʻzbekistonda ekskavatorlarni taʼmirlash zavodi quriladi

© Sputnik / Aleksandr Kondratyuk / Mediabankka oʻtishEkskavator zavodi
Ekskavator zavodi - Sputnik Oʻzbekiston
Obuna boʻlish
NovostiTelegram
"Oʻzbekiston temir yoʻllari" AJ Sirdaryo shahrida ekskavatorlar va gusenitsali texnikani taʼmirlash zavodini quradi

TOSHKENT, 16 yanv — Sputnik. Loyihaning umumiy qiymati 30 million dollar atrofida boʻladi, deb xabar berdi Sputnik muxbiri.

Zavod 2018 yilda "Oʻzbekiston temir yoʻllari" AJning Sirdaryo shahridagi "Oʻztemiryoʻlmashtaʼmir" unitar korxonasi vagon-gʻildirak ustaxonalari negizida ishga tushadi.

Ilgariroq mazkur sanoat obʼyekti qurilishi 2017 yilda Yangiyer shahrida amalga oshirilishi rejalashtirilgandi. Zavod qurilishi nima uchun boshqa joyga koʻchirilishi va muddati oʻzgarishi borasida kompaniya maʼlumot bermagan.

Oʻzbekiston prezidenti "Oʻzbekiston temir yoʻllari" AJga 2017 yilning 1 apreliga qadar mazkur loyihaning texnik-iqtisodiy asoslari borasidagi maʼlumotlarni tayyorlash va uni Vazirlar Mahkamasiga tasdiqlash uchun kiritishni topshirdi. Kompaniya loyiha-smeta hujjatlarini ishlab chiqish bilan bir vaqtda 1 iyulga qadar qurilish ishlarini amalga oshirishga ruxsat oldi.

Davlat rahbari, shuningdek, loyihada ishtirok etayotgan kompaniyalarga qator chegirma va imtiyozlar taqdim etdi. Masalan, "Oʻzbekiston temir yoʻllari" boʻlinmalari tomonidan bajariladigan qurilish montaj-ishlari qoʻshimcha qiymat soligʻi va davlat maqsadli jamgʻarmalariga majburiy ajratmalar toʻlashdan ozod etiladi.

Bundan tashqari, respublikada ishlab chiqarilmaydigan va qurilish doirasida chetdan keltiriladigan mashina va uskunalar, ehtiyot va butlovchi qismlar, asboblar va texnologik ashyolar bojxona toʻlovidan ozod qilindi.

Yangiliklar lentasi
0