Mirziyoyev hokimlar va hokimliklar xodimlarining ish haqlari oshirilganini aytdi

© Press-slujba prezidenta RUzO‘zbekiston Prezidenti Shavkat Mirziyoyev
O‘zbekiston Prezidenti Shavkat Mirziyoyev - Sputnik O‘zbekiston
Obuna bo‘lish
Bundan tashqari, chegaraga yaqin 80 ta tumanda hokimning maxsus yordamchisi lavozimi kiritildi. Jami 739 ta qo‘shimcha shtat tashkil etildi

TOShKENT, 17 yanv — Sputnik. O‘zbekiston Prezidenti Shavkat Mirziyoyev hokimlar va hokimliklar xodimlarining ish haqi oshirilgani haqida 2016-yilda ijtimoiy-iqtisodiy rivojlantirishning asosiy yakunlari va 2017-yilga mo‘ljallangan iqtisodiy dasturning eng muhim ustuvor yo‘nalishlariga bag‘ishlangan Vazirlar Mahkamasining kengaytirilgan majlisida ma’lum qildi.

Shavkat Mirziyoyev - Sputnik O‘zbekiston
Shavkat Mirziyoyev hokimlarga jarima solishni taklif qildi
"Yaqinda hokimlar va hokimliklarning barcha xodimlari ish haqini ularning mehnat stajidan kelib chiqqan holda oshirish bo‘yicha qaror qabul qilindi. O‘ylaymanki, endi barcha bo‘g‘indagi hokimlarning xodimlar soni yetishmasligi to‘g‘risida shikoyat qilishi uchun obektiv asos yo‘q. Endi ushbu lavozimlarga samarali ishni ta’minlaydigan, munosib kadrlarni tanlash bo‘yicha oldimizda muhim vazifa turibdi. Endi samarali ishlash barcha rahbarlar uchun ham qarz, ham farz", — deb ta’kidladi Mirziyoyev o‘z nutqida.

Prezident, bundan tashqari, barcha viloyat, shahar va tuman hokimliklarida hokimning iqtisodiy islohotlar va tadbirkorlik masalalari bo‘yicha birinchi o‘rinbosari, shuningdek, yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimlari joriy etilganini aytib o‘tdi.

Ma’lumotlarga ko‘ra, axborot-tahlil guruhlari kuchaytirilgan. Chegaraga yaqin 80 ta tumanda hokimning maxsus yordamchisi lavozimi kiritildi. Jami 739 ta qo‘shimcha shtat tashkil etilgan.

Yangiliklar lentasi
0