Nazarboyevning nabirasi Qozog‘istondagi korrupsiya haqida

© FacebookOysulton Nazarboyev
Oysulton Nazarboyev - Sputnik O‘zbekiston
Obuna bo‘lish
Qozog‘iston prezidenti Nursulton Nazarboyevning nabirasi Oysulton hozirda poraxo‘rlikda ayblanayotgan sobiq amaldorlarni xalq dushmani deb atadi va uning fikricha qo‘l ostidagilarining qilmishlari uchun javob berishi kerak bo‘lganlarning ismlarini aytdi

TOShKENT, 17 yanv — Sputnik. Qozog‘iston prezidenti Nursulton Nazarboyevning nabirasi Oysulton Nazarboyev hokimiyat tepasidagi so‘nggi poraxo‘rlk mojarolari haqida fikr bildirdi. Oysulton Nazarboyev Facebookdagi sahifasida ota bo‘lganidan so‘ng uning dunyoqarashi "ancha kengayganini" e’tirof etdi.

"Bilasizmi, men qizim, uning bo‘lajak dugonalari, bo‘lajak turmush o‘rtog‘i o‘sib-ulg‘ayayotgan Qozog‘iston haqida o‘ylamagan kunim yo‘q. Shuning uchun ham bugun Qozog‘iston fuqarosi, prezidentning nabirasi sifatida o‘zimning kichkinagina "qo‘ng‘iroqxonam"dan menga dolzarb bo‘lib tuyulgan masalalar haqida fikr bildirmoqchiman", — deya uning so‘zlaridan iqtibos keltiradi Sputnik Qozog‘iston.

Oysulton Nazarboyev "aytiladigan narsani aytish ustuvorlik emas, burchdir" deydi. "Faol, dunyo ko‘rgan va o‘z vatani uchun vatanparvar bo‘lib qolgan uning kabi kishining esa aytadiganlari bor".

"Davlat rahbari yuqorida, Qozog‘istonni boshqaruv rulini mahkam tutib turibdi — g‘arb matbuotini o‘qing va bu gaplarning xolisligiga o‘zingiz ishonch hosil qilasiz. Uning atrofidagilar yo‘laklarda turib olgancha yuz martalab "hokimiyat almashuvi" haqida gapirishayotgan bir paytda u indamaygina ishlamoqda", — deb davom etadi prezident nabirasi. U davlat rahbarining jamoasida haqiqiy mahoratli kishilar ko‘pligini qayd etadi.

"Lekin afsuski, ayrimlar yulduzlik kasalligini ko‘tara olishmaydi. (…) Bu insonlar, ming afsuski, o‘z vatani manfaatlaridan uzoqda, o‘zlarining boylikka bo‘lgan hirslari atrofida o‘ralashib qolishgan. Bunday kasal odamlar murakkab davlat muammolarini yecha olishga qodir emaslar. Qattiq ishlash lozim bo‘lganida ular bobomga qanday yordam berishadi?", — deya savol tashlaydi u.

Poraxo‘r va tullaklar

Oysulton Nazarboyev milliy xavfsizlik qo‘mitasining hozirgi rahbari Karim Masimov prezident atrofini poraxo‘r va tullaklardan tozalayotganini qayd etadi.
"Hech qayerda "xalq dushmani" degan eskirgan so‘z ishlatilmaydi, lekin yuqori lavozimdagi yulg‘ich amaldorlarga nisbatan bu so‘z juda mos tushadi. Chunki ular bir-birlariga emas, aynan xalqqa zarar keltirishadi.

Nursultan Nazarbayev - Sputnik O‘zbekiston
Nazarbayev - Qozog‘istonda yakka hokimlik o‘rnatilganini yo‘q

Bobomni bilganim uchun bemalol aytishi mumkin: Masimov bu mushkul vazifani Qozog‘iston prezidenti atrofi to‘liq tozalanguniga qadar davom ettiradi", — deb yozgan Oysulton Nazarboyev.

Prezidentning nabirasi yozishicha, "eng asosiysi — mazkur vazifani "jodugar ovi"ga aylantirmaslik, maqsad sofligicha qolishi — "o‘g‘rilarni tutib qonunga asosan jazolash" kerak. Halol amaldorlar go‘yoki "vaziyat qiyinlashganidan" qo‘rqmasliklari lozim. Barcha qiyinchilik ko‘ngildan boshlanadi, chunki "o‘g‘ri har doim o‘zining o‘g‘ri ekanligini biladi".

"Shaxsan menga qiziq, oxir-oqibat milliy bank raisi, prezident devoni rahbari Jaksibekovlar amal kursilarida qolisharmikin? Axir ularning bevosita qo‘l ostidagilari og‘ir jinoyatlarga qo‘l urishda gumon qilinmoqda. Nomlari aytilgan janoblarni esa men juda yaxshi bilaman va birortasi ulardan yashirincha jiddiy ish qilishga uringaniga ishonmayman…

Tekshiruvlar bizga janob Utemuratov va Tasmagambetov iflos ish qilgan-qilmaganini ko‘rsatib beradi", — deb yozadi Nazarboyev.

Og‘alar davri tugamoqda

Taniqli familiyalarni keltirarkan, Oysulton Nazarboyev harqalay korrupsiya botqog‘iga botganlar unchalik ko‘p emas deb hisoblaydi. "Yaratganga shukr, bunday familiyalar aslini olganda unchalik ko‘p emas.

Ostona shahri - Sputnik O‘zbekiston
Qozog‘iston poytaxtini Nazarboyev nomi bilan atash taklif qilindi

Shunchaki ular paydo qilgan salbiy ta’sir mamlakatni qalin bulutdek qoplab turibdi. Nimayam derdik, og‘alar davri yakuniga yetmoqda — Qozog‘iston ko‘z o‘ngimizda o‘zgarmoqda. MXQning yangi raisi bu muammolarni hal qilish uchun yetarlicha vaqt va imkoniyatga ega ekanligiga ishonchim komil — mamlakat uchun uning o‘rni har doimgidan ham muhim", — deb xulosa qiladi u.

U yoshlarni Qozog‘istonning barqarorlik va mustaqillikni mustahkamlashga qaratilgan strategik yo‘lini qo‘llab-quvvatlashga chaqiradi, "zero vaqti kelib biz ham Qozog‘istonning kelajagi uchun farzandlarimiz oldida javob beramiz".

"Yillar o‘tadi va mening qizim katta bo‘lib feysbukdagi bu yozuvlarimni o‘qiydi — internetda hech narsa yo‘qolmaydi. Umid qilamanki, o‘sha paytga kelib korrupsiyalashgan Qozog‘iston haqida unga xuddi ertakdek gapirib beraman: "aytsam ishonmaysan, bir paytlar mamlakatimizni odamlarning baxtli bo‘lishlarini xohlamaydigan qora kuchlar boshqarishni istashgandi… Lekin keyin hammasi o‘zgardi"- deya orzu qiladi davlat rahbarining nabirasi.

Dekabr oxirida yagona jamg‘arib boriluvchi pensiya fondi raisi Ruslana Yerdenayev, moliyaviy xatarlar boshqarmasi rahbari Musa Baxtov hibsga olindi. Yerdenayev va boshqa shaxslar talon-tarojda ayblanmoqda.

Dushanba kuni Qozog‘iston MXQ prezident devoni rahbarining sobiq o‘rinbosari Baglan Maylibayev va prezident devoni ichki siyosat bo‘limi mudiri o‘rinbosari Nikolay Galixin ikki oyga sud tomonidan hibsga olinganini ma’lum qildi. Ular "Davlat sirini noqonuniy to‘plash, tarqatish va fosh qilish" moddasi bo‘yicha jinoyat sodir etganlikda gumon qilinmoqda.

Yangiliklar lentasi
0