"Istanbul terrorchisi"ning uyidan sevgi maktublari topildi

© Foto : DHAAbdulqodir Masharipov yashagan xonadondan topilgan qog‘ozlar
Abdulqodir Masharipov yashagan xonadondan topilgan qog‘ozlar - Sputnik O‘zbekiston
Obuna bo‘lish
Huquq-tartibot xodimlari ommaviy axborot vositalari vakillariga yangi yil kuni Istanbuldagi tungi klubda otishma sodir etgan Abdulqodir Masharipov yashagan xonadonni ko‘zdan kechirishga ruxsat berdilar

TOShKENT, 18 yanv — Sputnik. Politsiya Masharipovni topish mumkin bo‘lgan beshta manzilni ko‘zdan kechirdi va u ana shu manzillardan biridan topildi, deb xabar bermoqda Sputnik Turkiye.

U yashagan xonadonda jurnalistlarga rus alifbosining turkcha transkripsiyasi bitilgan varaq ko‘rsatildi. Varaqda shuningdek, rus tilida: "Xadija, men seni sevaman", "Axmed", "Dina" va "Love" so‘zlari ham yozilgan.

© AFP / OZAN KOSE Abdulqodir Masharipov yashagan xonadondan topilgan ashyolar
Zapiski, naydennie v kvaritire u podozrevayemogo v terakte Abdulgadira Masharipova - Sputnik O‘zbekiston
Abdulqodir Masharipov yashagan xonadondan topilgan ashyolar

Yana bir qog‘oz parchasida esa turk tilida: "Dina, men seni sevaman" va "Sen telbasan" degan so‘zlar bitilgan.

Matbuot vakillari xonadonda televizor yo‘qligiga e’tibor qaratishdi. Xonadonda divanlar, ikkita karavot, muzlatgich, kir mashinasi va kichik javon bor edi.
Uy ichida ko‘plab bo‘shagan tuxum qutilari, yog‘ va suv idishlari yotardi. Bundan esa mahsulotlar ko‘chaga kamroq chiqish uchun ko‘p miqdorda sotib olingan deb xulosa qilish mumkin.

© REUTERS / Osman OrsalAbdulqodir Masharipov yashagan xonadondan topilgan ashyolar
Kvartira, gde skrivalsya podozrevayemiy v terakte Abdulgadir Masharipov  - Sputnik O‘zbekiston
Abdulqodir Masharipov yashagan xonadondan topilgan ashyolar

Qo‘shnilarning aytishlaricha, Masharipov so‘nggi uch kun davomida ko‘chaga chiqmagan, harqalay uni hech kim ko‘rmagan.

Politsiyaning ma’lumot berishicha, xonadonda u bilan birga to‘rt yoshli o‘g‘li ham yashagan. Ayni paytda bola turk hukumati himoyasida. Uning bir yarim yoshli qizi onasi bilan bo‘lib, ular Istanbulning tumanlaridan birida hibsga olingan.

Hujjatlar bilan ishlash - Sputnik O‘zbekiston
O‘zbek maxsus xizmatlari Istanbulda ushlangan terrorchi bilan bog‘liq holatni o‘rganmoqda

Masharipov bilan birgalikda iroqlik erkak va Senegal, Misr va Somalidan bo‘lgan uch ayol hibsga olingan. Senegallik 27 yoshli ayolning ismi Dina bo‘lib, sevgi maktubi aftidan unga atalgan.

Istanbuldagi Reina tungi klubiga Yangi yil oqshomida qurolli hujum uyushtirilgan. Kalashnikov avtomati bilan qurollangan terrorchi klubni qo‘riqlayotgan politsiyachini otib o‘ldirgan va klubdagi odamlarga qarata o‘t ochgan. Turkiya IIV ma’lumotlariga muvofiq, ushbu terakt oqibatida 39 kishi halok bo‘lgan, 69 nafar shaxs yaralangan. Reyter agentligi "Islom davlati" terrorchilik uyushmasi ushbu terakt uchun javobgarlikni o‘z bo‘yniga olganligini xabar qilgan edi.

Yangiliklar lentasi
0