O‘zbekiston valyutaning erkin konvertatsiyasiga tayyorgarlik ko‘rmoqda

© Sputnik / Vladimir Trefilov / Mediabankka o‘tishAQSh dollari
AQSh dollari - Sputnik O‘zbekiston
Obuna bo‘lish
O‘zbekistonni 2021-yilgacha rivojlantirish rejasi loyihasiga ko‘ra, valyuta, qimmatbaho metall va toshlar bozorida davlat tomonidan qo‘yilgan cheklovlarni olib tashlash ko‘zda tutilgan

TOShKENT, 21 yanv — Sputnik. O‘zbekiston valyutaning erkin konvertatsiyasiga tayyorgarlik ko‘rmoqda, deb xabar qilgan kun.uz.

O‘zbekistonda ulkan valyuta islohotlari kutilmoqda
O‘zbekiston Respublikasi Prezidentining "O‘zbekistonni 2017-2021 yillarda rivojlantirish bo‘yicha harakatlar Strategiyasi to‘g‘risida”gi farmoni bilan valyuta, qimmatbaho metall va toshlar bozorini liberallashtirish bo‘yicha choralar ko‘zda tutilgan.
Shu tariqa, 2017-yilda milliy valyuta kursini shakllantirishda zamonaviy bozor mexanizmlarni joriy etish amalga oshirila boshlaydi", — deyiladi xabarda.

Davlatning alohida rejalarida – eksportchilar tomonidan valyuta tushumlarini majburiy sotilishini bekor qilish ham bor. Bu xomashyo eksportchilardan (paxta tolasi, tabiiy gaz, metallar va hk.) tashqari barcha tashkilotlarni qamrab oladi.

Shu bilan bir qatorda, O‘zbekiston hududida xorijiy valyutada ish va xizmatlarga narx qo‘yish amaliyoti bosqichma-bosqich tugatiladi.

Bundan tashqari, qimmatbaho metall va toshlar importini litsenziyalashni bekor qilish ham rejalashtirilmoqda. Bu mahalliy tilladan tayyorlangan zargarlik buyumlari eksportiga belgilab qo‘yilgan norma (95 foiz)ni kamaytirib, bu sohadagi eksport jarayonlari hamda ichki aylanmani ancha yengillashtiradi.

Loyiha o‘zgartirilishi, to‘ldirilishi yoki rad etilishi mumkin.

Yangiliklar lentasi
0