Jamiyat

Mehnat vazirligi Telegramga oʻz stikerlarini joyladi

© Foto : Youtube/HowToScienceTelegram messenger
Telegram messenger - Sputnik Oʻzbekiston
Oʻzbekiston tarixida birinchilardan boʻlib Mehnat vazirligi Telegram ilovasiga oʻz stikerlari bazasini joyladi

TOSHKENT, 23 yanv — Sputnik. Loyiha tashkilotchilarining fikricha, bu yoshlarni va koʻpchilik foydalanuvchilarni vazirlikning elektron xizmatlaridan faolroq foydalanishga jalb etadi, deb xabar bermoqda Sputnik muxbiri.

"Yaratilgan stikerlarning aksariyati Mehnat vazirligining muvofiq keluvchi xizmatlarini ifodalayjdi. Masalan, "Ishdan noqonuniy boʻshatishdimi, 200-06-00 raqamiga qoʻngʻiroq qil" stikerida vazirlikning Call-markazidagi yagona raqami ifodalangan boʻlib, murojaat etuvchi oʻz mehnat huquqlarini himoya qilish uchun kerakli maslahat va koʻmakni olishi mumkin", — deb maʼlum qildi vazirlik matbuot xizmati.

Internet foydalanuvchi - Sputnik Oʻzbekiston
Jamiyat
Mehnat daftarchasiga internet orqali buyurtma berish mumkin

Eng talabgir stikerlar foydalanuvchilar eʼtiborini boʻsh ish oʻrinlari bazasiga qaratuvchi "ish.mehnat.uz" yoki "Ish qidiryapman — takliflar bor" stikerlari boʻlsa ajab emas. Bugungi kunda bazada muntazam ravishda yangilanib turadigan 60-70 ming boʻsh ish oʻrni mavjud. Foydalanuvchilar mazkur bazadan viloyat, tuman, shahar va mutaxassisliklar boʻyicha ish topishlari, tez orada esa ishga joylashish uchun yoʻllanmani elektron shaklda olishlari mumkin boʻladi.

Bundan tashqari, "ish.mehnat.uz"da rezyume tayyorlash, ishga joylashish uchun suhbatdan oʻtish boʻyicha maslahatlar, turli hujjatlarni toʻldirish namunalari ham oʻrin olgan.

Yana bir qiziq stiker — "Oylik maoshni hisoblagich". Ushbu xizmat yordamida foydalanuvchilar Yagona tarif setkasiga muvofiq oylik maosh haqida maʼlumotga ega boʻlishlari mumkin. Mazkur qulay kalkulyator shtat jadvalidagi tarif razryadi kiritilganida foydalanuvchining oylik maoshi miqdorini hisoblab beradi.

Telegram messenger - Sputnik Oʻzbekiston
Iqtisod
Oʻzbekiston savdo-sanoat palatasi Telegram kanaliga ega boʻldi

"Menga mehnat daftarchasi kerak" stikeri ham eʼtibordan chetda qolmaydi, unda yuridik shaxslarning mehnat daftarchasiga boʻlgan ehtiyojini taʼminlash boʻyicha axborot tizimi ifodalangan. Mazkur tizim orqali yuridik shaxs shaxsiy kabinetiga kirib mehnat daftarchasi olish uchun ariza berishi hamda murojaatning bajarilish jarayonini kuzatib borishi mumkin.

Bular oʻzbekistonliklarga taqdim etilayotgan ayrim stikerlar xolos. Mehnat vazirligining qayd etishicha, stikerlar bazasi (https://telegram.me/addstickers/uz_mehnat) hozircha ishlanish jarayonida va yanada takomillashadi. Uni takomillashtirishda vazirlik tomonidan eʼlon qilingan maxsus tanlov doirasida foydalanuvchilar ham ishtirok etishlari mumkin.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala