Chegarada yashirincha olib o‘tilayotgan 12,5 kg oltin ushlandi

© Press-slujba Ministerstva Finansov RAKontrabanda zolota
Kontrabanda zolota - Sputnik O‘zbekiston
Obuna bo‘lish
O‘zbekiston-Qirg‘iziston chegarasida to‘xtatilgan "Damas" avtomobili o‘rindig‘i ostidan va magnitola o‘rnatish joyidan 8 ta paket topildi. Paketlarda quyma va taqinchoq ko‘rinishida bo‘lgan 12,5 kg oltin bo‘lgan.

TOShKENT, 24 yanv — Sputnik. Milliy Xavfsizlik qo‘mitasi xodimlari O‘zbekistondan katta miqdorda oltin va boshqa zargarlik buyumlari olib chiqib ketishni oldini oldi, deb xabar qilmoqda MXX matbuot markazi.

Namangan viloyatining "Zarkent" chegara nazorat punktida "Damas" avtomobili tekshirish uchun to‘xtatilgan edi. Namangan viloyati MXX xodimlari tomonidan o‘tkazilgan tintuv natijasida avtomobil o‘rindig‘i ostidan va magnitola o‘rnatish joyidan 8 ta paket topildi. Paketlarda quyma va taqinchoq ko‘rinishida bo‘lgan 12,5 kg oltin topilgan. Avtomobil haydovchisi aytishiga qaraganda u ushbu  buyumlarni Qirg‘iziston chegarasida boshqa kishiga topshirishi kerak bo‘lgan.

"Avtomobil haydovchisi, uch bolaning otasi, 67 yoshli Muhammadjon Xo‘jamberdiyev bo‘lgan. U "Namangan — Nanay" yo‘nalishida kirakashlik bilan shug‘ullangan. Ma’lum bo‘lishicha, u anchadan beri qimmatbaho buyumlar kontrabandasi bilan shug‘ulanayotgan ekan. U ushbu ish uchun buyurtmachilardan mo‘maygina mablag‘ olgan", — deyilgan MXX xabarida.  

Namangan viloyati MXX Tergov boshqarmasi ushbu ish yuzasidan jinoiy ish qo‘zg‘atdi.

Yangiliklar lentasi
0