TOShKENT, 5 fev — Sputnik. Xitoyda VII Umumjahon Boks Seriyasi (WSB) musobaqalarining navbatdagi bahsi bo‘lib o‘tdi, musobaqa rasmiy saytiga binoan.
Unda O‘zbekiston jamoasi nomidan besh og‘irlik toifasida quyidagi bokschilar ishtirok etdi: Mironshoh Ibragimov (49 kg), Abdulxay Sharaxmatov (56 kg), Elnur Abduraimov (64 kg), Ulug‘bek Xaqberdiyev (75 kg) va Boburbek Yo‘ldoshev (91 kg).
Birinchi ikki jang Mironshox Ibragimov va Abdulxay Sharaxmatovlar 3:0 hisobda sof g‘alaba qozonishdi.
Uchinchi bahsda Elnur Abduraimov, hozircha noma’lum sabablarga ko‘ra ringga chiqmagan va Xitoy jamoasi texnik g‘alabaga erishgan.
WSB rasmiy sahifasi xabariga ko‘ra, 75 kg vazn toifasida ishtirok etayotgan Ulugbek Xakberdiyev toyib ketib o‘ng oyog‘i lat yegani tufayli jangni davom ettira olmagan.
Umumiy hisobda musobaqa 3:2 hisobida O‘zbekiston jamoasining mag‘lubiyati bilan tugadi.
O‘zbekiston jamoasining keyingi uchrashuvi Qozog‘istonning Astana Arlans jamoasi qarshi bo‘lib o‘tadi. Astana Arlans o‘tgan bahsda Rossiyaning Patriot Boxing Team jamoasi ustidan g‘alaba qozondi. Mart oyida esa O‘zbekiston jamoasi Rossiya boks jamoasi bilan uchrashishi rejalashtirilgan.
Eslatib o‘tamiz, o‘tgan yil ushbu musobaqalarda O‘zbekiston jamoasi yarim finalga yetib kelgan edi. Bu yil esa mutaxassislar Uzbek Tiges chempion bo‘lishiga katta imkoniyat bor deb bashorat qilishgan edi.
