TOShKENT, 13 fev — Sputnik. Qoraqalpog‘iston Respublikasining Mo‘ynoq tumanida 2017-yilning 1-iyuligacha "Qo‘ng‘irot-Mo‘ynoq" suv taqsimlash tarmog‘iga ega bo‘lgan suv o‘tkazgichi qurib bitkaziladi. O‘zbekiston prezidenti Shavkat Mirziyoyev "Qoraqalpog‘iston Respublikasining Mo‘ynoq tumani aholisini sifatli ichimlik suvi bilan ta’minlash choralari to‘g‘risida"gi qarorni imzoladi.
Suv o‘tkazgichning loyiha qiymati 26,4 milliard so‘mga teng.
Loyiha "O‘zkommunxizmat" agentligining 10,4 milliard so‘mlik markazlashtirilgan investitsiya mablag‘lari, Qoraqalpog‘iston davlat budjetining 5 milliard so‘m, "O‘zbekiston temir yo‘llari"ning 5 mlrd. so‘m va 6 mlrd. so‘mlik xayriya mablag‘lari hisobidan moliyalashtiriladi.
Loyihani amalga oshiruvchi ishtirokchilarga soliq va bojxona imtiyozlarini taqdim etildi.
