Hodisalar

Toshkent Interpoli qidirayotgan AQSH fuqarosi qoʻlga olindi

INTERPOL
INTERPOL - Sputnik Oʻzbekiston
Toshkent Interpoli 1978 yilda tugʻilgan AQSH fuqarosini xalqaro qidiruvga bergandi

TOSHKENT, 15 fev — Sputnik. Gruziya politsiyasi xodimlari Batumi aeroportida Interpol bilan hamkorlikda Oʻzbekistonda terrorizmda ayblanayotgan AQSH fuqarosini qoʻlga oldilar, deb xabar berdi RIA Novosti Gruziya IIV matbuot xizmatiga tayanib.

"Tbilisi Interpoli va IIV patrul politsiyasining Ajariya departamenti "Batumi aeroporti" nazorat-oʻtkazish punkti xodimlari hamkorlikda oʻtkazgan operatsiya natijasida Batumi aeroportida Toshkent Interpoli tomonidan xalqaro qidiruvda boʻlgan AQSH fuqarosi, 1978 yilda tugʻilgan L.K. qoʻlga olindi",- deyiladi xabarda.

L.K. Oʻzbekiston Jinoyat kodeksining terrorizm, jinoiy uyushma tuzish, qoʻporuvchilik sodir etish va oʻqotar qurollarni qonunga xilof ravishda egallash moddalari bilan aybdor deb topilgan.

Vazirlikning maʼlum qilishicha, hozirda qoʻlga olingan shaxsni ekstraditsiya qilish uchun zaruriy choralar koʻrilmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala