Jamiyat

Oʻzbekistonda yangi davlat qoʻmitasi tashkil etiladi

© Sputnik / Vladimir Fedorenko / Fotobankka oʻtishAvtoyoʻl
Avtoyoʻl - Sputnik Oʻzbekiston
Kompaniya negizida Oʻzbekiston Respublikasi Avtomobil yoʻllari davlat qoʻmitasi tashkil etiladi

TOSHKENT, 14 fev — Sputnik. Oʻzbekiston Respublikasi prezidenti Shavkat Mirziyoyevning "Yoʻl xoʻjaligini boshqarish tizimini yanada takomillashtirish chora-tadbirlari toʻgʻrisida"gi farmoniga koʻra "Oʻzavtoyoʻl" avtomobil yoʻllari qurish va foydalanish davlat-aktsiyadorlik kompaniyasi tugatiladi.

Uning negizida Oʻzbekiston Respublikasi Avtomobil yoʻllari davlat qoʻmitasi tashkil etiladi.

Farmon avtomobil yoʻllari va sunʼiy inshootlarni loyihalashtirish, qurish va foydalanish jarayoniga kompleks yondashish asosida yoʻl xoʻjaligini boshqarishning samarali tizimini shakllantirish, ularni moliyalashtirish tizimini takomillashtirish, loyihalashtirish va yoʻl-qurilish ishlari sifatini oshirish imkonini beradigan toʻlaqonli buyurtmachi xizmatini yaratish maqsadida qabul qilindi.

"Oʻzavtoyoʻl" DAK 2003 yilda Oʻzbekiston Respublikasi birinchi prezidentining farmoni hamda Vazirlar Mahkamasining qarori asosida tashkil qilingandi.

Ushbu kompaniya tashkiliy boshqaruv tuzilmasi asosan mamlakatdagi avtomobil yoʻllarining barcha tarmoqlari ehtiyojlarini toʻla ravishda qoplashni taʼminlashga qaratilgandi.

Yangiliklar lentasi
0
Avval yangilariAvval eskilari
loader