TOShKENT, 17 fev — Sputnik. Saxalinda "Islom davlati" safida Suriyadagi janglarda qatnashish uchun ketayotgan Markaziy Osiyolik bir guruh migrantlar qo‘lga olindi, deb xabar berdi RIA Novosti Rossiya FXX (FSB) Saxalin viloyati chegara boshqarmasiga asoslanib.
"Rossiya FXX Saxalin viloyati chegara boshqarmasi Rossiya FXX hududiy boshqarmasi bilan hamkorlikda uchinchi davlat orqali Suriyaga "Islom davlati" safida jang qilish uchun ketayotgan Markaziy osiyoliklardan iborat guruhni fosh qildi. Guruh a’zolaridan biri g‘oyaviy yetakchi bo‘lgan", — deyiladi xabarda.
FXXning ma’lum qilishicha, ularning barchasi Rossiyada anchadan buyon noqonuniy yashab kelishgan. Ulardan biri chegarani noqonuniy kesib o‘tgani uchun jinoiy javobgarlikka tortilgan hamda ekstremistik yo‘nalishdagi jinoyatlari uchun O‘zbekistonda qidiruvda bo‘lgan.
Xabar berilishicha, qo‘lga olingan to‘rt shaxs sud qaroriga ko‘ra o‘z vatanlariga jo‘natilgan va chora ko‘rilishi uchun tegishli hamkor muassasaga topshirilgan.
