Tojikistonning "uyqudagi ajdaho"si 106 yoshda

© AFP 2023 / KADAM MASKAYEVSarez ko‘li
Sarez ko‘li - Sputnik O‘zbekiston
Obuna bo‘lish
Tojikiston ahli tomonidan Pomir marvaridi deb e’tirof etiladigan Sarez ko‘li 1911-yil 19-fevralga o‘tar kechasi yuz bergan vayronakor zilzila oqibatida paydo bo‘lgan

TOShKENT, 18 fev — Sputnik. Bugun koinotimizning eng yosh obe’ktlaridan biri — baland tog‘lar qo‘ynida joylashgan Sarez ko‘li hosil bo‘lganiga 106-yil to‘ldi, deb xabar qilgan Sputnik Tojikiston nashri.

Tojikiston ahli tomonidan Pomir marvaridi deb e’tirof etiladigan Sarez ko‘li 1911-yil 19-fevralga o‘tar kechasi yuz bergan vayronakor zilzila oqibatida paydo bo‘lgan. Yer silkinishi ikki tog‘ni birlashtirib 550 metrdan balandroq to‘g‘onni hosil qilgan.

Sarez ko‘li, Pomir tog‘lari. - Sputnik O‘zbekiston
O‘zbek eksperti: Sarez ko‘li Markaziy Osiyoning katta qismini yo‘q qilib yuborishi mumkin
Ko‘l o‘rnida bo‘lgan uch qishloq aholisi (100dan ziyod odam) nobud bo‘lgan. Qishloqlardan birining nomi bilan ko‘lni ham Sarez deb atay boshlaganlar. 

Aytish joizki, ko‘l Pomirning seysmik aktiv hududida joylashgan. Shunday qilib, 8-9 balli zilzilalar — har 250-yilda bir marta, boshqa ma’lumotlarga ko‘ra esa — har 2000-yilda bir marta, 7 balli zilzilalar esa — 100-yilda bir marta takrorlanadi.

Olimlar Sarez ko‘lini Markaziy Osiyoning uyqudagi ajdahosi deb ataydilar. Ularning fikriga ko‘ra, agar ko‘l vayron bo‘lsa, Tojikiston, O‘zbekiston, Qirg‘iziston, Afg‘oniston va Turkmaniston hududlaridagi olti million insonlar jabr ko‘rishi mumkin.

2000 yilda to‘rt davlat — Qozog‘iston, Qirg‘iziston, Tojikiston va O‘zbekiston — hukumatlari Sarez ko‘li muammosini hal etish uchun intellektual va moliyaviy yordam so‘rab dunyo hamjamiyatiga murojaat etishgan.

Shu yilning o‘zida Butunjahon banki boshqaruvida 2000-2006 yillarda Sarez ko‘li xavfini kamaytirish bo‘yicha xalqaro loyiha ishga tushirilgan. Ammo ishlar ogohlantirish tizimini yaratish bilan cheklangan.

Bir qator mutaxassislar Sarez ko‘li tufayli xavfsiramasa ham bo‘ladi, degan fikrni aytishgan, deb yozgan nashr.

Yangiliklar lentasi
0