Samarqandda katta pora olgan IIB podpolkovnigi qo‘lga olindi

© Sputnik / Vitaliy Belousov / Mediabankka o‘tishHibs jarayoni
Hibs jarayoni - Sputnik O‘zbekiston
Obuna bo‘lish
Shaxsiy tarkibga ularga qonunan belgilangan dam olish kunini berish uchun podpolkovnik har bir xodimdan 200-250 ming so‘mdan pora olgan. Shu tariqa u so‘nggi yillarda o‘z ishchilaridan 40 million so‘mga yaqin mablag‘ undirgan

TOShKENT, 21 fev — Sputnik. Samarqand viloyati milliy xavfsizlik boshqarmasi tezkor guruh xodimlari viloyat prokuraturasi vakillari bilan hamkorlikda o‘tkazgan maxsus operatsiya natijasida Samarqand IIB Qo‘riqlash bo‘limi rahbari podpolkovnik Nodir Samatovni qo‘lga oldilar. Bu haqda Sputnik O‘zbekiston muxbiriga kuch ishlatish muassasasi vakili xabar qilgan.

Samarqandda tovlamachi IIB xodimlari qo‘lga olindi
"Podpolkovnik Samatov, amaldagi instruksiyalarni buzgan holda, bo‘limning navbatchilikka kirishgan shaxsiy tarkib hxodimlarini asossiz ravishda dam olish kunlaridan mahrum qilgan. Har bir xodim qonunda belgilab qo‘yilgan dam olish kunini o‘z boshlig‘idan 200-250 ming so‘m evaziga "sotib olishga" majbur bo‘lgan. Shu tariqa, Samatov so‘nggi yil ichida o‘ziga bo‘ysungan xodimlardan 40 million so‘mga yaqin pora olgan", — deb xabar qildi MXX xodimi.

MXX xodimining so‘zlariga ko‘ra, tezkor guruh xodimlari Nodir Samatovni xizmat kabinetida, u o‘zidan quyi pog‘onada turuvchi bo‘lim komandiridan 1 million so‘m pora olayotgan vaqtda qo‘lga olishgan.

Hibsga olish jarayonidan so‘ng Samarqand IIB qo‘riqlash bo‘limining barcha xodimlari podpolkovnik Samatovga qarshi ko‘rsatma bergani xabar qilinmoqda.

Yangiliklar lentasi
0