Janubiy Koreya radiokarnaylar orqali KXDRni Kim Chen Nam qotilligida aybladi

TOShKENT, 22 fev — Sputnik. Janubiy koreyalik harbiy xizmatchilar Seul KXDR bilan chegaradosh hududlarda o‘tgan haftadan boshlab radiokarnaylar orqali eshittirishlarni boshlaganini tasdiqladilar, deb xabar qilmoqda RIA Novosti.

Xabarga ko‘ra, Janubiy Koreya radiokarnaylar orqali eshittirishlarni o‘z qo‘shnilarini Shimoliy Koreya yetakchisining o‘gay akasi — Kim Chen Nam Malayziyada o‘ldirilgani haqida xabardor qilish uchun yo‘lga qo‘ygan.

"KXDR bilan chegaradosh hududlarda o‘rnatilgan 34ta radiokarnaylar orqali eshittirishlarni boshlashimizdan maqsad, Shimoliy Koreya aholisi va askarlarni ularning yetakchisi Kim Chen In o‘z akasi Kim Chen Nam qotilligiga aloqador ekanidan xabardor etmoqchimiz", — deb iqtibos keltirgan Renxap nashri Seuldagi harbiyning so‘zlaridan.

Eslatib o‘tamiz, Kim Chen Namga nisbatan su’iqasd 13-fevral kuni Kuala-Lumpur aeroportida uning o‘z oilasi yoniga, Makaoga uchishi oldidan uyushtirilgan.

Turli taxminlarga ko‘ra, Kim Chen Namni zaharlangan ninalar bilan jarohatlab, unga zaharli suyuqlikni sepishgani yoxud yuziga zaharga namlangan tamponni tekkizgan bo‘lishlari mumkin.

Ushbu qotillik yuzasidan surishtiruv ishlari davom etmoqda. Ammo Janubiy Koreya bu qotillik ortida KXDR turibdi degan fikrni ilgari surmoqda.