Jamiyat

Shavkat Mirziyoyev Qozogʻiston bosh vazirining birinchi oʻrinbosarini qabul qildi

© Sputnik / Sergey SubbotinShavkat Mirziyoyev
Shavkat Mirziyoyev - Sputnik Oʻzbekiston
Obuna boʻlish
Yandex newsTelegram
Prezident ikki mamlakat oʻrtasidagi samarali va oʻzaro manfaatli hamkorlikni yanada faollashtirish muhim ahamiyatga ega ekanini qayd etdi.

TOSHKENT, 24 fev — Sputnik. Oʻzbekiston Respublikasi prezidenti Shavkat Mirziyoyev 23 fevral kuni Qozogʻiston Respublikasi bosh vazirining birinchi oʻrinbosari Asqar Maminni qabul qildi. Bu haqda Oʻzbekiston Respublikasi hukumat portali xabar berdi.

Asqar Mamin Oʻzbekiston va Qozogʻiston oʻrtasida ikki tomonlama hamkorlik boʻyicha hukumatlararo qoʻshma komissiyaning navbatdagi majlisida ishtirok etish uchun Oʻzbekistonga kelgandi.

Shavkat Mirziyoyev mehmonni qutlar ekan, Oʻzbekiston va Qozogʻiston oʻrtasidagi strategik sheriklik munosabatlari, shu jumladan, savdo-iqtisodiy aloqalar barqaror va izchil rivojlanayotgani hamda mustahkamlanib borayotganini mamnuniyat bilan taʼkidladi.

Shavkat Mirziyoyev - Sputnik Oʻzbekiston
Siyosat
Shavkat Mirziyoyev mart oyida Qozogʻistonga boradi

Prezident ikki mamlakat oʻrtasidagi samarali va oʻzaro manfaatli hamkorlikni yanada faollashtirish, buning uchun avvalo savdo, investitsiyaviy texnologiyalar va transport-kommunikatsiya sohalarida hamkorlik boʻyicha aniq loyihalarni ishlab chiqish va qoʻllab-quvvatlash muhim ahamiyatga ega ekanini qayd etdi.

Ikki mamlakat hududlari oʻrtasida oʻzaro hamkorlik oʻrnatish va mustahkamlash lozimligi, bu savdo va madaniyat sohalarida aloqalarni yanada rivojlantirish uchun keng imkoniyatlar yaratishi alohida taʼkidlandi.

Oʻzaro savdo hajmini tubdan oshirish va nomenklaturasini kengaytirish, shuningdek, ikki mamlakat yetakchi korxonalari oʻrtasida sanoat kooperatsiyasini rivojlantirishga qaratilgan qator istiqbolli loyihalar hamkorlikda ishlab chiqilmoqda.

2016 yil yakunlariga koʻra, oʻzaro tovar ayirboshlash hajmi 2 milliard dollardan ziyodni tashkil etgan. Oʻzbekistonda qozogʻistonlik hamkorlar ishtirokida tuzilgan 230 dan ortiq kompaniya faoliyat yuritmoqda. Avtomobil va temir yoʻl transporti, aviatashuvlar sohalarida anʼanaviy faol hamkorlik qilib kelinmoqda.

Asqar Mamin samimiy qabul uchun Shavkat Mirziyoyevga minnatdorlik izhor etdi va Qozogʻiston Oʻzbekiston bilan keng koʻlamli amaliy hamkorlikni yanada kengaytirishga tayyor ekanini bildirdi.

Yangiliklar lentasi
0