Jamiyat

Toshkentda "yoʻltoʻsar" haydovchilarni tartibga chaqiruvchi guruh paydo boʻldi

Tashabbuskorlar guruhi "Kobalt"ini notoʻgʻri joyga qoʻyib qoʻygan haydovchining avtomobili old oynasiga tartibga chaqiruvchi stiker yopishtirgan

TOSHKENT, 25 fev — Sputnik. Toshkent haydovchilari poytaxtdagi asosiy muammolardan biri — mashinasini duch kelgan joyga qoʻyib qoʻyadiganlarni tartibga chaqirishni ham oʻz qoʻllariga olishmoqchi, deb xabar beradi Sputnik Oʻzbekiston muxbiri.

© Voditeli TashkentaToshkentda "yoʻltoʻsar" haydovchilarni tartibga chaqiruvchi guruh paydo boʻldi
V Tashkente zarojdayetsya analog dvijeniya StopXam - Sputnik Oʻzbekiston
Toshkentda "yoʻltoʻsar" haydovchilarni tartibga chaqiruvchi guruh paydo boʻldi

 

Shu kunlarda ijtimoiy tarmoqlarda Toshkent uchun yangilik boʻlgan voqea keng muhokama qilinmoqda — tashabbuskorlar guruhi "Kobalt"ini notoʻgʻri joyga qoʻyib qoʻygan haydovchining avtomobili old oynasiga tartibga chaqiruvchi stiker yopishtirgan.

"Miyamni ishlatishga erinaman, bugʻu singari duch kelgan joyga toʻxtab olaman", — deb yozilgan stikerda.

Foydalanuvchilarning aksariyati buni qoʻllab-quvvatlagan, koʻpchilik notoʻgʻri joyga mashinasini qoʻygan haydovchilarni tartibga chaqirish maqsadida mualliflardan stiker maketini soʻragan. Shuningdek, adolatni olomon hal qilmasligini aytib "Kobalt" egasini himoya qilganlar ham boʻldi.

© Voditeli TashkentaToshkentda "yoʻltoʻsar" haydovchilarni tartibga chaqiruvchi guruh paydo boʻldi
V Tashkente zarojdayetsya analog dvijeniya StopXam - Sputnik Oʻzbekiston
Toshkentda "yoʻltoʻsar" haydovchilarni tartibga chaqiruvchi guruh paydo boʻldi

Toshkentda ham Rossiyadagi "Stopxam" harakatiga oʻxshash harakat qanchalik oʻzini oqlashini vaqt koʻrsatadi. Biroq bu poytaxtdagi muammoni hal qilmaydi.

Bir tarafdan, Toshkentdagi markaziy koʻchalarning aksariyati mashinalar toʻxtashi uchun moslashmagan. Koʻp sonli taqiqlovchi belgilar esa vaziyatni yanada murakkablashtiradi. Nima qilmoq kerak? Ekspertlar taqiqlovchi belgilarni joylashtirishni qayta koʻrib chiqish va shahar markazida koʻp qavatli avtoturargohlar tashkil qilish kerakligini aytishmoqda.

Shu bilan birga yana bir muammo mavjud — haydovchilar bir-birlariga nisbatan hurmat koʻrsatishmaydi. Mashinasini qayerlarda toʻxtatmaydi deysiz — svetofor tagiga, piyodalar oʻtish yoʻlagiga. Ana shunday "bugʻu"lar mashinasini minib yoʻlni ochishini uzoq kutishlariga toʻgʻri keladi.

Sputnik Oʻzbekiston muxbiri qiziq vaziyat guvohi boʻldi. "Kaptiva" avtomobili Gidrometmarkaz yaqinidagi chorrahada ofis binosiga kiradigan yagona kirish yoʻlini toʻsib toʻxtab oldi. Boshqa haydovchilarning yoʻlni boʻshatish haqidagi soʻrovlariga esa mashina egasi qoʻlini siltagancha oʻtishga joy bor-ku, oʻtaveringlar, deb javob qaytardi.

© Voditeli TashkentaToshkentda "yoʻltoʻsar" haydovchilarni tartibga chaqiruvchi guruh paydo boʻldi
V Tashkente zarojdayetsya analog dvijeniya StopXam - Sputnik Oʻzbekiston
Toshkentda "yoʻltoʻsar" haydovchilarni tartibga chaqiruvchi guruh paydo boʻldi

Tor joydan oʻtayotgan avtomobillar ariqqa tushib ketishi yoki temir toʻsiqqa urilib mashinalariga zarar yetkazishlari mumkinligi esa haydovchini zarracha qiziqtirmadi. Uzoq tortishuvlardan keyingina "Kaptiva"dagi qirol" nihoyat mashinasini ikki metr oldinga siljitib yoʻlni boʻshatdi, lekin boshqa binodan chiqish yoʻlini toʻsib qoʻydi.

Aftidan, odamlarda jamiyatga boʻlgan hurmatni bolalikdan shakllantirish zarur. Aks holda "bugʻu"lar yoʻllarni toʻsaveradi, qarama-qarshi yoʻnalishda harakatlanadi, sariq chiroqda tinmay signal chalib, qizil chiroqda gazni bosishadi. Hech kim "bugʻu"larga duch kelmasin…

© Voditeli TashkentaToshkentda "yoʻltoʻsar" haydovchilarni tartibga chaqiruvchi guruh paydo boʻldi
V Tashkente zarojdayetsya analog dvijeniya StopXam - Sputnik Oʻzbekiston
Toshkentda "yoʻltoʻsar" haydovchilarni tartibga chaqiruvchi guruh paydo boʻldi
Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala