Qirg‘izistonda biznesmenni bolta bilan chopib ketishdi

TOShKENT, 26 fev — Sputnik. O‘shda 34 yoshli tadbirkor noma’lum shaxslar tomonidan chopib ketildi, deb xabar tarqatmoqda kun.uz Turmush nashriga tayangan holda.

"Qirg‘izistonning O‘sh shahri Anor tumanida bir erkakning zo‘ravonlik alomatlari bilan o‘ldirilgan jasadi topildi. Voqea 24-fevralda soat 07:00larda yuz bergan. Dastlabki ma’lumotlarga ko‘ra, 34 yoshli erkak bolta bilan o‘ldirilgan. U olingan jarohatlardan voqea joyida jon bergan. Erkak shu tumandagi uylardan birida yashagan", — deyiladi xabarda.

Huquq-tartibot muassasalari ma’lumotiga ko‘ra, marhum O‘sh shahrida yashovchi J.K. ismli, 1983-yilda tug‘ilgan shaxs bo‘lib chiqqan.

Erkakning boshi va tanasida sanchuvchi-kesuvchi buyumdan qolgan bir nechta jarohatlar aniqlangan. Erkak O‘shdagi AYoQShlardan biri egasi bo‘lgan.

Avvalroq nashr O‘shning markaziy maydonidagi to‘polonda pichoq jarohati olgan tadbirkor haqida xabar bergan. Ma’lum bo‘lishicha, janjal ishtirokchilari jarohat olgan A.T. va o‘ldirilgan 34 yoshli J.K. bo‘lgan. Ular biznes-hamkorlar va do‘stlar bo‘lganlar.

Dastlab pichoq jarohati olgan A.T. IZYuM restoranida bir guruh kimsalar bilan janjallashib ketgani taxmini bildirilgan. Biroq restoran ma’muri u yerda hech qanday janjal bo‘lmaganini ma’lum qilgan. 

Uning aytishicha, bu ikki tadbirkor restoranda bo‘lmagan. "Bizning restoran har kuni 01:00gacha ishlaydi. O‘sha kuni 16-fevralda, biz restoranni odatdagidek yopganmiz. Hamma yoq tinch edi. Biz restoranni yig‘ishtirib bo‘lganimizda soat 03:00 bo‘lgandi. Biz uyga qaytayotganimizda markaziy maydonda kimlardir urshayotgani, kimnidir pichoqlashganini eshitdik. Aniqlanishicha, pichoqdan jarohat olgan kimsa bizning restoranda dam olgan ekan. O‘sha kecha u ikki o‘rtog‘i bilan birga bo‘lgan va restoranni tinchlik bilan tark etgan. Ular hech kim bilan janjallashishmagandi", deb aytgan ma’mur. 

A.T.ga pichoq bilan jarohat yetkazish holati bo‘yicha gumonlanuvchi qo‘lga olingan. U tergov izolyatoriga joylashtirilgan. Yana ikki gumonlanuvchi qidirilmoqda.