TOShKENT, 1 mar — Sputnik. Chuvashiston politsiyachilari tovlamachilikda gumon qilingan O‘zbekiston fuqarosini qo‘lga olishdi, deb xabar berdi Rossiya IIV matbuot xizmati.
U 2011-yil oxirlarida chuvashistonlik ayolga magazin ochishda yordam berishni va’da qilib uning 115 ming rublini oladi. Lekin yordam berish o‘rniga g‘oyib bo‘ladi.
U Rossiya hududida soxta hujjatlar bilan yashab yurgan.
Politsiya xodimlarining taxminlaricha, uning noqonuniy xatti-harakatlari oqibatida jabr ko‘rganlar ko‘pchilikni tashkil etishi ham mumkin. Hozirda unga nisbatan Rossiya Jinoyat kodeksining "Tovlamachilik" moddasi bo‘yicha jinoyat ishi qo‘zg‘atildi.
