TOShKENT, 2 mar — Sputnik. Ukraina prezidenti Petr Poroshenko hukumatga mamlakatdagi ko‘mir qazib chiqaruvchi jamiki korxonalarda tekshirish ishlarini o‘tkazishni buyurdi va Lvov viloyatidagi shaxtada yuz bergan portlash tufayli motam e’lon qildi, deb xabar qilmoqda RIA Novosti Poroshenkoning matbuot-kotibi Svatoslav Segolkoga tayangan holda.
Payshanba kuni Lvov viloyatida joylashgan "Stepnaya" shaxtasida avariya yuz berdi. Ukraina tog‘-kon ishchilari kasaba uyushmasi shaxtada metan portlagani haqida ma’lumot tarqatdi. Hodisa oqibatida 10 kishi halok bo‘lgan, 7 nafar ishchi jarohatlangan.
Ukraina Favqulodda vaziyatlar xizmati avariya oqibatida 8 nafar tog‘-kon ishchisi halok bo‘lgani, 6 nafari jarohatlangani va 20 nafar inson qutqarib qolingani haqida axborot bermoqda.
Avariya yuz bergan uchatkada jami 34 nafar ishchi bo‘lgani xabar qilinmoqda.
"Ukraina prezidenti Lvov viloyatidagi portlash tufayli mamlakatda milliy motam kunini e’lon qildi. Tegishli farmon bugunning o‘zida imzolangan. Prezident, shuningdek, mamlakat Vazirlar mahkamasiga Ukrainadagi ko‘mir qazib chiqaruvchi barcha korxonalarda tekshiruv o‘tkazishni buyurgan", — deb yozgan Segolko o‘zining Feysbukdagi sahifasida.
