TOShKENT, 7 mar — Sputnik. Amerika uy-joy qurilish va shaharni rivojlantirish vazirligi yangi rahbari Ben Karson immigrantlarni qullarga tenglashtirdi, deb xabar qildi RIA Novosti.
"Amerika nima degani? Orzular va imkoniyatlar mamlakati. Bu yerga kemalarda qullar bilan birga kelgan boshqa immigrantlar ham bo‘lgan. Ular yanada ko‘proq mehnat qilgan va kamroq pul evaziga yanada og‘irroq ishlarni bajargan", — deb aytgan Karson vazirlik xodimlari oldida chiqish qilar ekan.
U shuningdek "ularning ham o‘z orzulari bo‘lgani, kun kelib qizlari, o‘g‘illari, nevara va evaralari bu mamlakatda baxtli va farovon hayot kechirishlarini orzu qilishgan"ligini qo‘shimcha qilgan.
Karson — Tramp vazirlik lavozimini taklif qilgan ilk afroamerikalikdir. Uy-joy qurilish vaziri sifatida Karson Trampning saylovoldi va’dalarini ijobatga chiqarishi — ya’ni qashshoqlar va ozchilik vakillari istiqomat qiluvchi "shaharlarning ichki tumanlarini tozalamog‘i" lozim.
