TOShKENT, 7 mar — Sputnik. Tojikistonliklar "Islom davlati" terrorchilik tashkilotining hudkush-jangarilari ro‘yxatida birinchi o‘rinni egalladi. Bu haqda Niderlandiyadagi Terrorizmga qarshi xalqaro markazning "Hudkushlik vositasidagi urush: IDning shahidlik sanoati statistik tahlili" deb nomlangan hisobotida aytiladi.
Ma’ruzada keltirilgan ma’lumotlarga ko‘ra, 2015-yil dekabridan 2016-yil 30-noyabriga qadar Suriya va Iroqda 27 nafar Tojikiston fuqarosi hudkushlik sodir etgan.
Ro‘yxatda keyingi o‘rinlarda Saudiya Arabistoni va Marokash (17tadan hudkushlik), Tunis (14), Rossiya (13), Misr (11) va Falastin (9 marta o‘zini portlatish) joylashgan. Xitoy va eronlik jangarilar 7-martadan hudkushlik sodir qilgan.
Ro‘yxat o‘rtasidan to‘rttadan fuqarolari hudkushlikka qo‘l urgan Liviya, O‘zbekiston, Turkiya, Sudan, Iordaniya joy olgan. Qozog‘iston va Afg‘oniston fuqarolari ikki martadan hudkushlik sodir etgan.
Ma’ruza mualliflarining qayd etishlaricha, aksariyat — 70% hollarda ID jangarilari omma to‘plangan joylarda avtomashinani portlatish orqali hudkushlik sodir etgan. Ko‘rsatilgan davrda hudkushlar amalga oshirgan barcha hujumlarning 84%i harbiylarga, qolgan 16%i oddiy aholiga qarshi yo‘naltirilgan.
