O‘zbekiston va Turkmaniston rahbarlari Amudaryo orqali o‘tgan ko‘prikni ochishdi

© Gosudarstvennoe IA TurkmenistanaAmudaryo orqali o‘tgan yangi ko‘prik
Amudaryo orqali o‘tgan yangi ko‘prik - Sputnik O‘zbekiston
Obuna bo‘lish
Shavkat Mirziyoyev va Gurbanguli Berdimuhammedov ramziy tasmani qirqib Amudaryo orqali o‘tgan Turkmanobod - Forob avtomobil ko‘prigini ochishdi

TOShKENT, 7 mar — Sputnik. O‘zbekiston va Turkmaniston prezidentlari ikki mamlakatni birlashtiruvchi avtomobil ko‘prigi ochilish marosimida ishtirok etishdi, deb xabar beradi "Turmenistan bugun" agentligi.

Qora dengiz - Sputnik O‘zbekiston
Turkmaniston O‘zbekiston bilan Qora dengizga chiqishga tayyorligini bildirdi

Ko‘prikning to‘rt bo‘lakli harakatlanish qismining eni 21,5 metrni tashkil etadi. Ko‘prikning har ikki tomonida eni 1,5 metrli piyodalar yo‘laklari joylashgan. Ko‘prikka zamonaviy matakril polimer qoplamasi yotqizilgan bo‘lib, bu qoplama mustahkam, uzoq muddat xizmat qiluvchi, ultrabinafsha nurlariga chidamli, shu bilan birgan asfaltbetonga nisbatan yengil hisoblanadi.

Avtomobil ko‘prigiga nafaqat Turkmanoboddan, balki Sardorobod tumanidagi yangi avtomagistral orqali ham kelish mumkin. Bu yo‘l orqali ko‘ptonnali yuk mashinalari ma’muriy markazga kirmasdan, shahar ko‘chalaridagi harakatga xalal bermasdan to‘g‘ri Turkmanobod-Forob avtomobil ko‘prigiga yo‘l olishi mumkin.

Gurbanguli Berdimuhammedov va Shavkat Mirziyoyevlar ko‘priklardagi transportlar qatnovi harakatini kuzatdilar. Ikki davlatni bog‘lovchi temir yo‘l ko‘prigi orqali O‘zbekistondan poyezd yo‘lga chiqqan bo‘lsa, ikkinchi ko‘prikdan turkman karbamidi, tekstili va boshqa mahsulotlari ortilgan yuk mashinalari O‘zbekiston tomon yo‘l oldi.

Yangiliklar lentasi
0