Hodisalar

Jangari filmlardagidek: Toshkentda biznesmenni oʻgʻirlashga urinishdi

Obuna boʻlish
NovostiTelegram
Besh kishidan iborat guruh xorij filmlarida odam oʻgʻirlash bilan bogʻliq stsenariyni hayotda sinab koʻrishga ahd qilgan

TOSHKENT, 10 mar — Sputnik. Toshkentda aql bovar qilmas odam oʻgʻirlash jinoyati sodir etildi, deb maʼlum qildi Toshkent shahar IIBB boshligʻi oʻrinbosari Doniyor Toshxoʻjayev.

Uning aytishicha, besh kishidan iborat guruh xorij filmlarida odam oʻgʻirlash bilan bogʻliq stsenariyni hayotda sinab koʻrishga ahd qilgan.

"Hammasi tadbirkorning restoranlardan birida doʻstlari davrasida boyligi, xonadonlari-yu, pullarining miqdorini aytib maqtanganidan boshlangan. Uning boyliklaridan xabar topgan besh kishi oʻzaro birlashib, uni oʻgʻirlash rejasini tuzadi, bunda Amerika filmlaridagi shunga oʻxshash voqealardan oʻrnak olishadi", — dedi Toshxoʻjayev.

Hodisalar
Toshkentda 125 ming dollar soʻragan tovlamachi qoʻlga olindi

Jinoyatchilar tadbirkorni oʻgʻirlagach, uning boʻyniga goʻyoki "bomba" ilishadi va jabrdiyda harakatlarini kuzatib turish maqsadida videoqoʻngʻiroq qilish imkonini beruvchi mobil dasturlardan foydalanishadi. Telefon qashqadaryolik nomaʼlum kishi nomiga rasmiylashtirilgan boʻladi.

Ular tadbirkordan dastlab tovon sifatida 200 ming AQSH dollari talab qilishadi, agar talablari bajarilmasa, boʻyniga osilgan "bomba" portlashini aytib qoʻrqitishadi.

"Qizigʻi, jinoyatchilar 200 ming dollar talab qilishsa-da, tadbirkor ular bilan savdolashadi hamda tovon pulini 10 marta kamaytirishga, yaʼni 20 ming dollarga tushirishga erishadi.

Soʻngra jinoyatchilar bilan kelishuv amalga oshirgan tadbirkor ularning "bomba" haqidagi gaplariga ishonmay, toʻgʻri ichki ishlar idorasiga boradi. Jinoyatchilar uni kamera orqali kuzatib turishgani bois tezda ashyoviy dalillarni yoʻqotishga urinishadi", — dedi IIBB boshligʻi oʻrinbosari.

Olib borilgan tezkor tadbirlar natijasida jinoyatchilar qoʻlga olindi.

Hozirda surishtiruv ishlari olib borilmoqda.

Yangiliklar lentasi
0