Jamiyat

Buxoroda minglab ish oʻrinlari yaratiladigan 13ta yirik sanoat loyihasi ishga tushiriladi

Obuna boʻlish
NovostiTelegram
Ishlab chiqilayotgan yangi loyiha boʻyicha viloyatning 7 ta shahar va tumanida 13 ta yirik sanoat loyihasini foydalanishga topshirish rejalashtirilgan

TOSHKENT, 10 mar — Sputnik. Prezident Shavkat Mirziyoyev Buxoro viloyatiga tashrifi davomida aholi farovonligini oshirish, yangi ish oʻrinlari yaratishga qaratilgan bir qancha loyihalar bilan tanishmoqda, deb xabar berdi uz24.uz.

Prezident Buxoro shahridagi "Buxoro brilliant silk" Oʻzbekiston — Xitoy qoʻshma korxonasida boʻldi.

2010 yilda tashkil etilgan, zamonaviy texnologik uskunalar bilan jihozlangan korxonada pilla qayta ishlanib, turli oʻlcham, koʻrinish va rangdagi matolar tayyorlanmoqda. Matoga bosilgan gullarning oʻziga xosligi shundaki, ularning rangi oʻchmaydi, suv va quyosh nuriga chidamli.

Shavkat Mirziyoyev - Sputnik Oʻzbekiston
Jamiyat
Shavkat Mirziyoyev Buxoro viloyatiga keldi

Tayyor mahsulotni eksport qilish boʻyicha xorijiy hamkorlar bilan muzokaralar olib borilyapti.

Ayni paytda "Buxoro brilliant silk" qoʻshma korxonasining ipak tolalari xorijda xaridorgir. Oʻtgan yili korxonaning Eron, Vyetnam, Turkiya, Hindistonga qilgan eksport hajmi qariyb 2,5 million dollarga teng boʻldi.

Davlat rahbari korxonada ishlab chiqarilayotgan mahsulotlar bilan tanishdi.

Shavkat Mirziyoyev shu yerda "Oʻzbekengilsanoat" aktsiyadorik jamiyati tomonidan sobiq "Buxoroteks" AJ negizida tashkil etiladigan "Indorama Indast LTD" Oʻzbekiston — Singapur qoʻshma korxonasi loyihasi bilan tanishdi. Buxoro viloyatida yetishtirilgan paxta tolasini qayta ishlashga ixtisoslashtirilgan korxona ishga tushgach 400 ga yaqin ish oʻrni yaratiladi. Korxonaga "Riter" kompaniyasining (Shveytsariya) zamonaviy va energiyatejamkor texnologiyalarini oʻrnatish koʻzda tutilgan.

Prezident "Oʻzbekengilsanoat" aktsiyadorlik jamiyati tomonidan 2017-2018 yillarda Buxoro viloyatida paxta tolasini qayta ishlash dasturi loyihasi bilan ham tanishdi.

Ansambl Poi-Kalon. Gorod Buxara - Sputnik Oʻzbekiston
Jamiyat
Prezident: Buxoroda Toshkent islom universitetining maxsus fakultetini tashkil qilish kerak

Ishlab chiqilayotgan yangi loyiha boʻyicha viloyatning 7 ta shahar va tumanida 13 ta yirik sanoat loyihasini foydalanishga topshirish rejalashtirilgan. Bu viloyatda yetishtirilgan paxta tolasining 65 foizini qayta ishlash imkoniyatini yaratadi. Natijada 5 mingga yaqin ish oʻrni yaratiladi. Dasturni bajarish uchun mamlakat tijorat banklari mablagʻlari va chet el investitsiyasini jalb qilish rejalashtirilgan.

Yerdan unumli foydalanish natijasida tutzorlar barpo etish boʻyicha yangi loyiha taqdimoti ham boʻlib oʻtdi. Davlat rahbari mazkur sohani yanada rivojlantirish, tut plantatsiyalarini koʻpaytirish boʻyicha tegishli koʻrsatmalar berdi.

Buxoro shahrida ishga tushirilayotgan "Buxoro kotton tekstil" korxonasi loyihasi bilan tanishar ekan, Shavkat Mirziyoyev Oʻzbekistonda yetishtirilgan paxtani tola koʻrinishida sotish eng kam daromad keltirishini, paxta tolasini qayta ishlab, eksportbop tayyor mahsulot ishlab chiqarishni yanada kengaytirish zarurligini taʼkidladi.

Shavkat Mirziyoyev na prezidentskix vыborax - Sputnik Oʻzbekiston
Jamiyat
Shavkat Mirziyoyev Buxoro temir yoʻl vokzalidagi sharoitlar bilan tanishdi

1000 kishining bandligi taʼminlanishi koʻzda tutilgan korxonada 6,5 ming tonna ip-kalava, 10 ming kvadrat metr gazlama (jinsi) va 1,5 million dona tayyor tikuvchilik mahsulotlari ishlab chiqariladi.

Prezidentga Olot tumanidagi "Merganteks" masʼuliyati cheklangan jamiyati, Peshku tumanidagi ip-kalava ishlab chiqarishga ixtisoslashgan koʻp tarmoqli korxona, Buxoro shahrida paxta yetishtirishdan tayyor toʻqimachilik mahsuloti ishlab chiqarishgacha boʻlgan jarayonni qamrab oladigan paxta-toʻqimachilik klasteri tuzish, tabiiy va kimyoviy tolalardan integratsiya asosida tayyor mahsulot ishlab chiqarishni tashkil qilish loyihalari haqida ham batafsil maʼlumot berildi.

Yangiliklar lentasi
0