Jamiyat

Oʻzbekistonda yoz fasliga qadar baliq ovlash taqiqlandi

© Sputnik / Vladimir Vyatkin / Mediabankka oʻtishRыbak na beregu reki
Rыbak na beregu reki - Sputnik Oʻzbekiston
Obuna boʻlish
NovostiTelegram
Taqiq mamlakat tabiiy suv havzalarida baliq resurslaridan ratsional foydalanish maqsadida qoʻyildi va bahor oxiriga qadar amal qiladi

TOSHKENT, 10 mar — Sputnik. Oʻzbekiston Tabiatni muhofaza qilish Davlat qoʻmitasi mamlakat tabiiy suv havzalarida baliq resurslaridan ratsional foydalanish maqsadida respublika hududida 10 martdan baliq ovlashga taqiq qoʻyilishi haqida maʼlum qildi.

Xususan, 10 martdan 31 mayga qadar Amudaryo va Sirdaryo daryolarida, 25 apreldan 10 iyunga qadar Qoraqalpogʻiston Respublikasi va Xorazm viloyati suv havzalari va 16 apreldan 31 mayga qadar mamlakatning boshqa suv havzalarida baliq ovlash taqiqlanadi.

Taqiq davrida barcha baliq ovlash bilan shugʻullanuvchi tashkilotlar va baliq resurslarini ovlash bilan shugʻullanuvchi xususiy tadbirkorlar suv havzalaridan ov anjomlarini olishlari, omborxonaga topshirishlari va hayvonot hamda oʻsimlik dunyosi himoyasi boʻyicha inspektorlar guvohligida muhrlashlari kerak.

Baliq - Sputnik Oʻzbekiston
Jamiyat
Xivada Vyetnam texnologiyasi asosida baliq yetishtiriladi

Baliqlarning uvuldiriq sochishi taqiq davrida tabiiy suv havzalarida motorli qayiqlarda harakatlanishga faqatgina hayvonot va oʻsimlik dunyosini himoya qilish boʻyicha davlat inspektsiyasi xodimlari, ov xoʻjaliklarining yegerlik xizmatlariga esa — tabiatni muhofaza qilish idoralari tomonidan ruxsat beriladi.

Bu davrda sport-havaskorlik maqsadida baliq ovlash motorli qayiqlardan foydalanmay turib va 5 donadan ortiq boʻlmagan qarmoq miqdorida ruxsat beriladi.

Oʻzbekiston Respublikasining tabiatni muhofaza qilish boʻyicha hududiy qoʻmitalari Ichki ishlar vazirligi va Davlat soliq qoʻmitasi inspektorlari bilan hamkorlikda baliq ovlashga qoʻyilgan taqiq davrida oʻgʻrincha ovlash, baliq va baliq mahsulotlarini noqonuniy ravishda oʻtkazish bilan kurashish maqsadida nazorat reydlari oʻtkazadi.

Yangiliklar lentasi
0