Jamiyat

Oʻzbekiston bogʻchalarida kutubxonalar tashkil etiladi

© Press-slujba ministerstva narodnogo obrazovaniya RUzDeti v detskom sadu
Deti v detskom sadu - Sputnik Oʻzbekiston
Obuna boʻlish
NovostiTelegram
Kichik kutubxona oʻzbek xalq ertaklari, rivoyatlar, hikoyalar va bolalar uchun sheʼriy toʻplamlar bilan taʼminlanadi

TOSHKENT, 10 mar — Sputnik. Oʻzbekistondagi barcha maktabgacha taʼlim muassasalarida qoshida kichik kutubxonalar tashkil etiladi. Bu haqda Xalq taʼlimi vazirligi Axborot xizmati xabar bermoqda.

Xabarda aytilishicha, bundan maqsad 3-6 yoshdagi bolalarning sifatli maktabgacha taʼlim va tarbiya olish imkoniyatlarini kuchaytirish, shuningdek, ota-onalar, aholi va jamoatchilikning bolalarga erta taʼlim berish va oilada erta kitob oʻqishni tashkil etishning ahamiyati toʻgʻrisida habardor qilishdir.

Joriy yilda 1220 ta maktabgacha taʼlim muassasasi 50 nomdagi kitoblar bilan taʼminlanadi.

Seni yaxshi koʻramiz, Oʻzbekiston! kitobi taqdimoti - Sputnik Oʻzbekiston
Jamiyat
"Seni yaxshi koʻramiz, Oʻzbekiston!" kitobi taqdimoti boʻlib oʻtdi

Kichik kutubxona oʻzbek xalq ertaklari, rivoyatlar, hikoyalar va bolalar uchun sheʼriy toʻplamlar bilan taʼminlanadi va kitoblarni topish qulay boʻlishi uchun har bir boʻlim badiiy belgi: daraxt, ertak qahramonlar kabilar bilan nomlanadi.

Kichik kutubxonalar muassasa ichki imkoniyati hamda homiylarni jalb qilgan holda tashkil etiladi va bolajonlar uchun xizmat qiladi. Bolalarda mutolaa koʻnikmalarini shakllantirish maqsadida tarbiyachilar tomonidan kitoblarni ifodali oʻqish, oʻqilgan kitoblar haqida suhbat, rasmlarni tomosha qilish, notanish soʻzlarni tushuntirish, adabiyot kechalari va biror mavzuga bagʻishlangan kitoblar koʻrgazmasi tashkil etish kabi turli usullar qoʻllaniladi.

Bugungi kunda respublikada 4893 ta maktabgacha taʼlim muassasasi mavjud boʻlib, shulardan 2931 ta maktabgacha taʼlim muassasasida maʼnaviyat xonalari, 526 ta muassasada muzeylar faoliyat yuritmoqda.

Eslatib oʻtamiz, Oʻzbekiston prezidentining "Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targʻibot qilish boʻyicha komissiya tuzish toʻgʻrisida"gi farmoyishida chop etilayotgan kitoblarni taʼlim muassasalari, ayniqsa, maktabgacha va boshlangʻich taʼlimda oʻqish madaniyati, mutolaa koʻnikmalarini shakllantirishga alohida eʼtibor qaratilgan.

Yangiliklar lentasi
0