TOShKENT, 11 mar — Sputnik. Qurollangan shaxslar Afg‘onistondagi Xost provinsiyasida joylashgan harbiy aerodromga hujum uyushtirdi, deb xabar qilmoqda RIA Novosti Tolo News telekanaliga tayangan holda.
"Bir necha nafar qurollangan shaxslar Xost provinsiyasidagi harbiy aerodromga hujum qildilar. To‘qnashuv davom etmoqda", — deb xabar qilgan telekanal o‘zining Tvitterdagi sahifasi orqali.
Jabrlanganlar bor-yo‘qligi noma’lum.
Nashr xabariga ko‘ra, ilgariroq jangarilar Afg‘oniston poytaxti — Qobul shahridagi harbiy gospitalga hujum qilgan. 50 nafar insonning bevaqt halok bo‘lishiga olib kelgan ushbu hodisa uchun javobgarlikni "Islom davlati" terrorchilik uyushmasi o‘z zimmasiga olgan.
"ID" terrorchilik uyushmasining bu ta’kidiga qaramasdan, Afg‘oniston razvedka xizmati vakillari ushbu hujum ortida kim turganini bilish uchun o‘z surishtiruvini olib bormoqda.
