Sakkiz yuzdan ortiq amerikaliklar Saudiya Arabistoni ustidan da’vo arizasini berishdi

© AFP 2023 / STAN HONDA2001 yil 11-sentabrda sodir etilgan terakt
2001 yil 11-sentabrda sodir etilgan terakt - Sputnik O‘zbekiston
Obuna bo‘lish
Da’vogarlar qirollik hukumatidan yetkazilgan zarar uchun moliyaviy kompensatsiya talab qilishmoqda. Moddiy tovon miqdori hozircha ma’lum qilinmayapti

TOShKENT, 21 mar — Sputnik. 2001-yil 11-sentabr teraktlarida qurbon bo‘lganlar bir guruh insonlarning qarindoshlari Saudiya Arabistoniga qarshi da’vo arizasini berdilar. Ular saudiyachilarni "Al-Qoida" terrorchilik guruhini moliyalashtirishda va qo‘llab-quvvatlashda ayblamoqda, deb xabar qildi RIA Novosti.

AQSh prezidenti Barak Obama - Sputnik O‘zbekiston
AQSh Kongressi birinchi marta Obama qo‘ygan taqiqni inkor etdi
800 kishi nomidan berilgan 135 betlik arizada teraktlar natijasida qurbon bo‘lgan va jabrlangan insonlarning va ularning qarindoshlarining ism-shariflari sanab o‘tilgan. Da’vo arizasi dushanba kuni Manxettendagi federal sudiga berilgan. Da’vogarlar qirollik hukumatidan yetkazilgan zarar uchun moliyaviy kompensatsiya talab qilishmoqda. Moddiy tovon miqdori hozircha ma’lum qilinmayapti.

"Saudiya Arabistoni ikki yuzlamalik qildi. AQSh oldida va G‘arbning boshqa davlatlari qarshisida u "Al-Qoida" va terrorchilikka qarshi kurashayotgan davlatdek ko‘rsatdi o‘zini. Ammo shu bilan birga, ushbu hujjatda keltirilganidek, Saudiya Arabistoni hukumati nomidan ish olib boruvchi shaxslar "Al-Qoida"ga kattagina yordam berib kelishgan", — deyiladi da’vo arizasi matnida. Shuningdek, Saudiya Arabistoni ko‘magisiz, terrorchilar 11-sentabrda yuz bergan teraktlarni amalga oshiraolmagan bo‘lishlari qayd etilgan.

2001 yil 11-sentabrda sodir etilgan terakt - Sputnik O‘zbekiston
Holid Shayx Muhammadning Obamaga maktubi e’lon qilindi
Eslatib o‘tamiz, prezident Barak Obama taqiqiga qaramay AQSh Kongressi 2001-yil 11-sentabr teraktlarida qurbon bo‘lganlarning oilalariga Saudiya Arabistoni ustidan davo qilish huquqini beruvchi qonunni qabul qilgach, AQSh poytaxtida yashovchi Stefani Ross Desimon tomonidan yozilgan da’vo eng birinchisi bo‘ldi.

Saudiya Arabistoni Tashqi ishlar vazirligining fikricha, AQSh tomonidan qabul qilingan qonun yuz yillar davomida xalqaro munosabatlarning asosini tashkil qilgan suveren davlat tamoyillariga jiddiy putur yetkazmoqda.

Yangiliklar lentasi
0