TOShKENT, 22 mar — Sputnik. 21 mart kuni poytaxtning Yunusobod tumanida yuz bergan YTH oqibatida ayol kishi halok bo‘ldi, deb xabar bermoqda Podrobno.uz.
Yo‘l-transport hodisasi Bodomzor ko‘chasidagi "Musaffo" kafesi qarshisida yuz bergan. "Neksiya" avtomashinasining 30 yoshli haydovchisi ikki piyodani urib yuborgan. Jabrlanganlar 7-sonli shahar klinik shifoxonasiga olib ketilgan. Piyodalardan biri — ayol kishi olgan tan jarohatlari sababli vafot etdi.
"Neksiya" avtomobili Qashqadaryo viloyatida ro‘yxatdan o‘tgan. Haydovchining o‘zi esa Toshkentning Uchtepa tumanida ro‘yxatda turadi.
Ushbu holat bo‘yicha surishtiruv ishlari olib borilmoqda.
