Bu futbolmi yo... Millionlar o‘yini ishqibozlari portalga shikoyat yozmoqchi

© pixabayKarton figurkasi
Karton figurkasi - Sputnik O‘zbekiston
Obuna bo‘lish
2018 yilgi Jahon Chempionatining saralov o‘yinlarining 3-bosqichida O‘zbekiston terma jamoasi Suriyaga 1:0 hisobida yutqazdi

TOShKENT, 23 mar — Sputnik. Ijtimoiy tarmoqlar ayni vaqtda ushbu o‘yinga va ayniqsa, milliy terma jamoa o‘yinchilari harakatlariga izohlarga to‘lib toshgan. Bildirilayotgan fikrlarni e’tiboringizga havola qilamiz.

Futbol to‘pi - Sputnik O‘zbekiston
Futbol: O‘zbekiston – Gruziya 2:2
"Anchadan beri bir narsani uylab yuribman: Bizga futbolni nima keragi bor? Milliard-milliard pul havoga uchapti! Mayli, Oliy liga qolsin, lekin el qatori pul olsin futbolchi! Zo‘ri ana Qatarga, Kitayga borib, katta pul topaversin! Shuncha pulni boshqa foydali tomonga yo‘naltirilsa to‘g‘ri emasmi? Shuncha pulni ilm bilan shug‘ullanayotgan yosh olimlarga ixtirosi uchun beraylik! Ilm ahlining uy-joy va boshqa zaruratini qoplashga sarflaylik! Bizda yakka kurash, boks, kurash, sambo, tennis, og‘ir-yengil atletika, tennis zo‘r! Ammo jamoaviy sport turlari — nol!!!", — deb fikr bildirgan Abdulaziz Muborak.

"Ustoz Tohir Malik to‘g‘ri aytganlar. Bizni futbolchilarni hammasini bo‘yniga omoch taqib, dalaga yer haydatish kerak!", — degan Husan Jo‘rayev.

"Xuddi Germaniya bilan o‘ynadingga o‘ziyam, sharmandalar", — deb yozgan Nurobod.

Aytish joizki, ushbu uchrashuvdagi mag‘lubiyat alamini she’r qilib to‘kib-sochganlar ham topildi.

"Ikki bo‘lim tig‘ ustiga o‘tqazding

Bir biringga arang to‘pni yetkazding

Oxirida baribir gol o‘tkazding

Bundan ortiq jazo bormi birodar?

Hech qayerda bizlarga do‘st xakam yo‘q

Ishqibozni eshitguvchi odam yo‘q

Ishqibozga goldan boshqa malxam yo‘q

Yutqazishdek jafo bormi birodar?

Suriyalik yigilardan nimang kam?
Sal pastga tush juda osmon bo‘lsang ham.
Joning tikib chopolmasang o‘lsang ham,
To‘p tepishdan ma’no bormi birodar?

Murabbiyni yo‘qot so‘zi o‘tmasa,
Asqarjonga qo‘shib xayda ketmasa.
Suriyaga agar kuching yetmasa —

Mundialda balo bormi birodar! — deb yozgan Alisher Navoiy niki ostidagi foydalanuvchi.

"Jamoa o‘yini ustidan portalga shikoyat yozish vaqti keldi menimcha", — deb yozgan Alisher Sultonov.

"Umrim bino bo‘lib birinchi bor yurib o‘ynasa bo‘ladigan taktikaning guvohi bo‘ldim", — deb yozgan yana bir foydalanuvchi.

"O‘zbekiston termasi xuddi va’dasida turmaydigan yorga o‘xshaydi: na umid qilib bo‘ladi, na ishonib, na unutib bo‘ladi va na kechib..!" — Faxriddin Qurbonov fikri.

Sbornaya Uzbekistana po futbolu - Sputnik O‘zbekiston
O‘zbekiston Suriyaga so‘nggi damda imkoniyatni berib qo‘ydi
"Feysbuk ahli!!! Kim 28-da o‘yinga kiradi? Bunday o‘yin bilan Bunyodkor stadionida o‘zbek futbolining ko‘milish marosimiga kim boradi…. Qachongacha umid qilamiz!? Har safar shu — puch yong‘oq. Ba’zi odamlar "Nega Barsa, Realchi bo‘lib ketayapsanlar? O‘zimizni futbolga shunday muxlislik qilmaysanmi?", deydilar. Ana javob! Bir xil ssenariyni ko‘raverish hammaning joniga tegarkan", — deb yozgan Sherzod Toshpo‘latov.

"Menimcha Babayan xozir press-konferensiyada Luis Enrikega o‘xshab "hali uyalib qolasanlar deyotgan bo‘lsaya", — istehzo qilgan yana bir foydalanuvchi.

"Bu shunchaki hazm qilinib ketilaveradigan holat emas. Bugungi mag‘lubiyat uchun kimdir javob berishi kerak. Bo‘lmasa muxlislar yutayotgan bu alamlar portlaydi… Eng ma’qul qaror bu kamida bosh murabbiy xatolarini tan olib, uzr so‘rab, iste’fo berishi kerak. Asosiy tarkibdagi futbolchilar esa xalqdan uzr so‘rab, o‘z joylarini yaxshi yugura oladigan va to‘g‘ri pas bera oladigan boshqa futbolchilarga bo‘shatib berishlari zarur…", — deb yozgan Fizik nikli foydalanuvchi.

Futbol fanatlariga sabr tilagan holda, millionlar o‘yini — futbolga aloqasi bor rahbarlar terma jamoa mag‘lubiyati yuzasidan siz muxlislarga izoh berishlariga umid qilib qolamiz.

Yangiliklar lentasi
0