O‘zbekistonda ishsizlarni qayta o‘qitadigan markaz ish boshlaydi

© Sputnik / Ilya Pitalev / Mediabankka o‘tishAholi
Aholi - Sputnik O‘zbekiston
Obuna bo‘lish
Ishsizlar, vaqtincha band bo‘lmagan va doimiy ishga ega bo‘lmagan shaxslar metallga ishlov berish va slesarlik ishlari, elektr va elektronika, axborot texnologiyalari, to‘qimachilik ishlab chiqarishi va tikuvchilik kabi yo‘nalish va mutaxassisliklar bo‘yicha o‘qitiladi

TOShKENT, 24 mar — Sputnik. Shahrizabzda kasb ta’limi markazi tashkil etish ishlari boshlab yuborildi, deb xabar qildi naesmi.

"Shaharda 60 o‘rinlik yotoqxonasi bo‘lgan, 240 o‘quvchiga mo‘ljallangan Kasb ta’limi markazi qurilishi loyihasini amalga oshirish uchun Koreya Respublikasi hukumatining umumiy qiymati 8,5 mln AQSh dollari bo‘lgan granti jalb etildi", — deyilgan xabarda.

Tovuqlar - Sputnik O‘zbekiston
Millioner bo‘lishni istovchilar tovuq boqsin - Mehnat vazirligi tavsiyasi
Qurilish uchun shahardagi sobiq "Hujum" fabrikasining ma’muriy va ishlab chiqarish binosi ajratildi. Qurilish buyurtmachisi Koreya xalqaro hamkorlik agentligining(KOICA) O‘zbekistondagi ofisi hisoblanadi.

Markaz davlat ta’lim muassasasi hisoblanadi va bevosita Mehnat vazirligiga bo‘ysunadi, umumiy o‘quv-uslubiy rahbarlik esa Oliy va o‘rta maxsus ta’lim vazirligining o‘rta maxsus, kasb ta’limi markazi zimmasiga yuklanadi.Uning asosiy vazifalari, tuzilishi, shuningdek professional qayta tayyorlanganlik va malaka oshirganlik to‘g‘risidagi diplomning, markazda qisqa muddatli kurslarni o‘taganlik to‘g‘risidagi sertifikatning davlat namunalari qaror bilan tasdiqlandi.

Ishsizlar va vaqtincha band bo‘lmagan aholi, shu jumladan, kasb-hunar kollejlarini tugatgan va doimiy ishga ega bo‘lmagan shaxslarni o‘qitish muddati 1-yilgacha bo‘lgan vaqtni tashkil qiladi. Metallga ishlov berish va slesarlik ishlari, elektr va elektronika, axborot texnologiyalari, to‘qimachilik ishlab chiqarishi va tikuvchilik kabi yo‘nalish va mutaxassisliklar bo‘yicha o‘qitiladi.

Shu bilan birga Markazda ish qidirayotgan, biroq mehnat tashkilotlarida ishsiz sifatida ro‘yxatga olinmagan shaxslar, shuningdek, yillik qabulning 15 foizidan ko‘p bo‘lmagan holda ish beruvchilar buyurtmalari bo‘yicha hodimlar malakasini oshirishning qisqa muddatli pulli kurslari tashkil etiladi.

Yangiliklar lentasi
0