TOShKENT, 24 mar — Sputnik. 28-mart kuni Moskvada Rossiya bosh vaziri Dmitriy Medvedev va O‘zbekiston bosh vaziri Abdulla Aripov ikki mamlakatning iqtisodiy sohadagi hamkorligi masalasini muhokama qiladilar. Bu haqda RIA Novosti hukumat matbuot xizmatiga asoslanib xabar bermoqda.
"Rossiya hukumati raisi Dmitriy Medvedev va O‘zbekiston bosh vaziri Abdulla Aripov savdo-iqtisodiy hamkorlik, energetika sohasidagi qo‘shma loyihalarni amalga oshirish, transport va qishloq xo‘jaligi, shuningdek, madaniy-gumanitar sohalardagi hamkorlik masalalarini muhokama qiladilar", — deyiladi xabarda.
Eslatib o‘tamiz, aprel oyida O‘zbekiston prezidenti Shavkat Mirziyoyev Rossiyaga davlat tashrifi bilan boradi.
