Jamiyat

"Oʻzbekiston havo yoʻllari" styuardessalikka qizlar tanlovini eʼlon qildi

© Uzbekskiye avialiniiOʻzbekiston Havo yoʻllari styuardessalari
Oʻzbekiston Havo yoʻllari styuardessalari - Sputnik Oʻzbekiston
Tanlovda ishtirok etadigan qizlar xushbichim, kelishgan qaddi qomatli, yuzida va tana tuzilishida koʻrinib turadigan tashqi nuqsonlar boʻlmasligi, sariq va oq metallardan tish qoplamalari boʻlmasligi, yuzida va qoʻllarida tatuirovka boʻlmasligi kerak, sochlar batartib turmaklangan boʻlishi zarur

TOSHKENT, 29 mar — Sputnik. 2017 yil 3-5 may kunlari "Oʻzbekiston havo yoʻllari" Milliy aviakompaniyasi bortkuzatuvchi lavozimiga qizlar tanlovi boʻlib oʻtadi, deb xabar qildi "Darakchi" nashri.

Arizalarni qabul qilish Uchuvchilar majmuasida 2017 yilning 3 dan 24 apreliga (24 aprel kuni ham) qadar, shanba va yakshanba kunlaridan tashqari, soat 09-00 dan 12-00 gacha oʻtkaziladi.

Bortkuzatuvchi lavozimiga nomzodlarga talablar:

Yoshi — 18 dan 25 yoshgacha. Tanlov oʻtkazilayotgan vaqtda 18 yoshga yetmagan yoki 25 dan oshgan shaxslar tanlovda ishtirok etishga qoʻyilmaydilar.

Oʻzbekiston Respublikasi fuqarosi

Oʻzbekiston havo yoʻllari aviakompaniyasi samolyoti - Sputnik Oʻzbekiston
Jamiyat
"Oʻzbekiston havo yoʻllari" Pokistonga parvozlarni tiklamoqda
Toshkent shahrida propiskadan oʻtgan boʻlishi yoki vaqtincha roʻyxatdan oʻtgan boʻlishi;

Maʼlumoti –oʻrta maxsusdan past boʻlmasligi kerak (11 sinf, litsey, kollej)

Davlat, rus va ingliz tillarini erkin soʻzlashish darajasida bilishi kerak.

Boʻyi: 157 dan 175 sm gacha. Ogʻirligi boʻyiga mutanosib boʻlishi kerak.

Xushbichim, kelishgan qaddi qomatli, yuzida va tana tuzilishida koʻrinib turadigan tashqi nuqsonlar boʻlmasligi, sariq va oq metallardan tish qoplamalari boʻlmasligi, yuzida va qoʻllarida tatuirovka boʻlmasligi kerak, sochlar batartib turmaklangan boʻlishi zarur.

Oʻzbekiston havo yoʻllari samolyoti - Sputnik Oʻzbekiston
Tojikistonga birinchi aviareys 4 aprel kuni amalga oshiriladi
Tanlovda nomzodlarning umumiy saviyasi va ong-bilim darajasiga katta eʼtibor beriladi: mamlakatimiz tarixi va geografiyasi, tarixiy obidalar va diqqatga sazovor joylar, tarixiy va milliy qahramonlarimizning biografiyasi, dunyo geografiyasi boʻyicha bilimga ega boʻlish kerak.

Tanlov oʻtkazish natijalarini obektiv koʻrib chiqish maqsadida tanlov ishtirokchilari javoblarini audio-video yozuviga olishga yoʻl qoʻyiladi.

Anketa-arizani toʻldirishda pasport, maʼlumoti toʻgʻrisidagi hujjat va baholar varaqasi nusxasini, til boʻyicha tayyorgarlik kurslarini tugatganlik haqida guvohnoma, harbiy bilet (harbiy xizmatga majbur shaxslar uchun), mehnat daftarchasi (mehnat staji boʻlganda) ilova qilinishi kerak.

Styuardessalar - Sputnik Oʻzbekiston
Jamiyat
"Oʻzbekiston havo yoʻllari" liboslar dizayni uchun tanlov eʼlon qildi
Yonida pasport va 6x9 oʻlchamdagi bitta fotosurat boʻlishi kerak. Arizalar toʻliq komplekt holida qabul qilinadi va qaytarib berilmaydi.

Tanlovdan muvaffaqiyatli oʻtgan nomzodlar tibbiy koʻrikdan oʻtadilar. Sogʻliqqa qoʻyiladigan talablar oʻta yuqori. Parvoz ishlariga layoqatlilik haqida xulosani vrachlik–uchuvchilar ekspert komissiyasi beradi.

Tanlovning barcha bosqichlaridan muvaffaqiyatli oʻtgan shaxslar Milliy aviakompaniyaning Toshkent shahridagi Oʻquv-mashq markazida oʻqitiladilar.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala