Jamiyat

«Oʻrikzor" bozorining tungi oʻgʻrilari qoʻlga tushdi

© Sputnik / Aleksey Filippov / Fotobankka oʻtishQulf ochish
Qulf ochish - Sputnik Oʻzbekiston
Uch nafar fuqaro bir necha oy davomida "Oʻrikzor" bozori omborxonalaridan tunda mahsulot oʻgʻirlagan. Konteyner egalarining bundan xabari ham boʻlmagan.

TOSHKENT, 29 mar — Sputnik. Toshkent shahar Uchtepa tumani IIB xodimlari oʻta katta miqdorda amalga oshirilgan ushbu oʻgʻirlikni fosh qilishdi. Oʻgʻrilar qoʻlga olindi nuz.uz xabari asosida.

Uch nafar buxorolik fuqarolar bozor ombobrxonalaridan mollarni oʻgʻirlab ularni pullash uslubini oʻylab topgan. Hamma narsa puxta oʻylangan boʻlgan. Kun davomida, odatda omborxonalarda doim odam bor, chunki mahsulotni xaridorlarga topshirish kerak. Tunda esa konteynerlar qulflanadi. Butun omborxonada faqat bir keksa qorovul  qoladi xolos. U ham darvoza oldida turadi.

Jamiyat
Toshkentda 6 kun ichida 32ta jinoyat fosh qilindi

"Oʻgʻrilar omborxonaga tunda kelishgan. Qorovullar esa ular konteyner egalari boʻlganiga ishonchi komil boʻlgan va ularni oʻtkazib yuborgan. Jinoyatchilar omborxonaga kirib, biror konteyner qulfini ochib, narsalarini yuk mashinasiga ortib, konteynerni esa yana qulflab ketaverishgan. Shunday ishlar bir necha oy davom etgan. Oʻgʻrilar asosan qurilish mollari, texnika va elektronika saqlanayotgan omborxonalarni tanlab olishgan. Shuningdek ular avtomobil taʼmiri uchun kerakli qimmatbaho mahsulotlarni ham oʻgʻirlashgan", — deb hikoya qilib berdi Uchtepa tuman IIB tergov boʻlimi boshligʻi Jafar Amonov.

Oʻgʻirlangan mollarni jinoyatchilar yarim bahoda Toshkentning boshqa bozorlarda sotishgan yoki Buxoro viloyatiga joʻnatib yuborishgan.

Qizigʻi shundaki, ushbu ish yuzasidan qidiruv ishlari jabrlanganlar arizasi tufayli emas, hududni nazorat qilayotgan huquqni saqlash organlari xodimlari tashabbusi bilan boshlangan.

Dastlab "Oʻrikzor" bozorida paydo boʻlayotgan juda arzon mollar tezkor-qidiruv xodimlarining diqqatini tortgan. Keyin ular konteyner egalaridan yoʻqolgan mahsulot haqida soʻrab surishtiria boshlagan. Konteyner egalari mahsulotlarini qayta sanab chiqib, yoʻqolgan mahsulotlarini aniqlashgan. Shundan keyin militsiyaga bir necha ariza kelib tushgan.

"Eng katta zarar avtomobil taʼmirlash sotilayotgan lak-kraska mahsulotlari sotuvchilariga yetkizilgan — 122 mln soʻm. Shuningdek  bir necha yuz millionlik televizorlar, isitgichlar, konditsionerlar va qurilish mollari oʻgʻirlangani aniqlangan," — dedi tergovchi.

Jinoyatchilar qoʻlilda boʻlgan telefonlar orqali oʻgʻirlangan mollarni sotib olgan barcha sotuvchilar ham aniqlangan. Ularning Telegram messenjeri orqali olib borgan suhbatidan xaridorlar ham ushbu mahsulotlarning kelib chiqishidan xabardor boʻlgani aniqlangan. Shu sababli xaridorlar ham ushbu jinoiy ish ishtirokchilariga aylangan.

Jinoy guruhning barcha aʼzolariga bir necha yil ozodlikdan mahrum qilish jazosi berilishi kutilmoqda.

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala