O‘zbekiston va Rossiya 4 mlrd dollarga qanday shartnomalar imzolamoqchi?

© Sputnik / Aleksey Drujinin / Mediabankka o‘tishRossiya prezidenti Vladimir Putin va O‘zbekiston prezidenti Shavkat Mirziyoyev
Rossiya prezidenti Vladimir Putin va O‘zbekiston prezidenti Shavkat Mirziyoyev - Sputnik O‘zbekiston
Obuna bo‘lish
Mirziyoyevning Rossiyaga safari davomida O‘zbekiston va Rossiya o‘rtasida umumiy qiymati 4 milliard dollarlik shartnomalar imzolanadi

TOShKENT, 3 apr — Sputnik. O‘zbekiston Respublikasi prezidenti Shavkat Mirziyoyev 4 aperl tongida Rossiyaga yo‘l oladi. Ushbu munosabat bilan O‘zbekiston Bosh vazirining birinchi o‘rinbosari, "O‘zbekiston temir yo‘llari" AJ raisi Achilbay Ramatov boshchiligidagi delegatsiya Moskva shahriga tashrif buyurdi, deb xabar qildi Rossiyadagi O‘zbekiston elchixonasi matbuot-xizmati.

Vladimir Putinning O‘zbekistonga safari - Sputnik O‘zbekiston
Shavkat Mirziyoyev 4-aprelda Moskvaga uchib ketadi
"2017 yilning 3-aprel kuni Moskva shahridagi O‘zbekiston elchixonasida delegatsiya a’zolari savdo-iqtisodiy va investitsiya sohasida umumiy hajmi 4 milliard dollarlik ikkiyoqlama idoralararo hujjatlarning alohida qismlarini imzolashga bag‘ishlangan tantanali tadbirda ishtirok etadilar", — deyilgan xabarda.

Hujjatlarning asosiy qismi Mirziyoyevning Rossiyaga uyushtiradigan rasmiy safari vaqtida imzolanishi ma’lum qilingan.

Elchixona matbuot xizmatiga ko‘ra, Toshkent va Moskva o‘rtasida Rossiyaning UGMK-Xolding kompaniyasi bilan O‘zbekistonda Tebinbuloq temir konida vanadiy-titan magnetit ruda ishlab chiqish hamda po‘lat ishlab-chiqarish sanoatini rivojlantirish bo‘yicha memorandum (qiymati 1,5 milliard dollar),  Toshkent shahridagi metallurgiya zavodi qurilishini moliyalashtirish loyihasi doirasida Asaka bank va "Gazprombank" AJ o‘rtasida hamkorlik bitimi (88 million dollar), "Qishloq xo‘jalik texnikasi Chirchiq zavodi" OAJ ishlab chiqarish maydonlarida hamkorlikda qishloq xo‘jalik texnikasini ishlab-chiqarishni yo‘lga qo‘yish va boshqa qator muhim bitimlar imzolanishi kutilmoqda.

Qo‘l berish - Sputnik O‘zbekiston
O‘zbekiston va Rossiya oldida yangi istiqbollar eshigi ochilmoqda
Shuningdek, Rossiyaga xo‘l meva-sabzavotlar va qayta ishlangan meva sabzavotlar yetkazib berish bo‘yicha "O‘zagroeksport"AJ hamda "O‘zagroeksport" SU OAJ o‘rtasida 612 million dollarlik shartnoma, "O‘zneftgaz" milliy xolding kompaniyasi va Rossiya Energetika Vazirligi o‘rtasida O‘zbekistonga Rossiya neftini yetkazib berish bo‘yicha shartnoma (qiymati 225 mln dollar) hamda "Olmaliq TMK" va Ijor ekskavator zavodi o‘rtasida o‘zaro ekskavator yetkazib berish bo‘yicha 100 mln dollarlik hamkorlik shartnomalari imzolanadi.

Tadbir ishtirokchilari shuningdek, savdo-iqtisodiy va investitsiya sohasida o‘zaro manfaatli ikkiyoqlama hamkorlikni yanada rivojlantirish masalalarini muhokama qiladilar. Shuningdek, ikki mamlakat tadbirkorlari o‘rtasida hamkorlikni mustahkamlash, o‘zaro manfaatli loyihalarni hamkorlikda ishlab chiqish va hayotga tatbiq etish masalalari ham ko‘rib chiqiladi.

Yangiliklar lentasi
0