Hodisalar

Astraxanda vahobiylar ikki politsiyachini oʻldirdi

© Sputnik / Konstantin Chalabov / Fotobankka oʻtishPolitsiya xodimlari
Politsiya xodimlari - Sputnik Oʻzbekiston
Ushbu jinoyat yuzasidan vahobiy oqimiga aloqador boʻlgan 8 kishi qidirilmoqda, ularning 6 nafari Astraxan viloyatida tugʻilgan, 2 nafari Qozogʻistonda tugʻilgan, oʻrta yoshli fuqarolar.

TOSHKENT, 4 apr — Sputnik. Vahobiy oqimiga mansub bir guruh radikal islomchilar Astraxanda politsiyachilarga hujum qilgan, dedi viloyat gubernatori Aleksandr Jilkin, Aksilterror qoʻmitasining shoshilinch majlisida.

“Bugun tunda bir guruh vahobiy radikal islomchilar, ataylab YTH sodir etib, YHXX xodimlariga hujum qilishdi”, — dedi Jilkin.

 

Gubernator aytishiga qaraganda, ushbu jinoyatda gumon qilingan shaxslar roʻyxati aniqlanib, eʼlon qilingan, barcha kerakli kuchlar ushbu ishda ishtirok etmoqda.

Tergov qoʻmitasi xabariga koʻra, 2017 yilning 4 aprel tun soat 00:27 da nomaʼlum shaxslar Astraxan viloyatining Leninsk tumanida YTH sodir etgan. Nomaʼlum sabablarga koʻra, jinoyatchilar yetib kelgan ikki nafar politsiya xodimlarini otib oʻldirib, ularning qurollarini olib voqea joyidan gʻoyib boʻlgan.

OAVlarda xabar berilishiga koʻra, poltsiyachilardan birining qoʻlida jinoyatchining haydovchilik guvohnomasi qolib ketgan. Keyinchalik jinoyatchilar “Gazel” avtomobilini dalada qoldirib, davlat raqami Leningrad viloyatiga tegishli boʻlgan Lada Priora avtomobilida qochib ketishgan.

Ayni damda voqea joyida Astraxan viloyati tezkor qidiruv guruhi, ishlamoqda. 8 kishi viloyat va butun Rossiya qidiruviga berilgan. Tergov qoʻmitasi xabariga koʻra ularning 6 nafari  Astraxan viloyatida tugʻilgan, 2 nafari Qozogʻistonda tugʻilgan, oʻrta yoshli fuqarolar.

 

Yangiliklar lentasi
0
Avval yangilariAvval eskilari
loader
LIVE
Zagolovok otkrыvayemogo materiala