Jamiyat

Lola Karimova "Bola va zamon" jurnali oʻzgartirilganini xabar qildi

"Respublika bolalar ijtimoiy moslashuvi markazi tomonidan nashr etiluvchi «Bola va zamon» ilmiy-ommabop jurnalimiz yangi formatda chop etildi", deb xabar qildi oʻzining Feysbukdagi sahifasida Lola Karimova-Tillayeva

TOSHKENT, 4 apr — Sputnik. "Bola va zamon" ilmiy-ommabop jurnalimiz yangi formatda chop etildi, deb xabar qildi Lola Karimova ijtimoiy tarmoqdagi saxifasida.

Karimovaga koʻra, jurnalist, tibbiyot xodimlari, pedagog va psixologlardan iborat tahririyat kengashi jurnalning yangi formatinini ishlab chiqarar ekan, uni foydali va qiziqarli maqolalarga yanada boyroq qilishga harakat qilgan.

"Endi maqolalar oʻzbek va rus tillaridan tashqari ingliz tilida ham chiqadi. Jurnalimiz asosan bola sogʻligʻi va taʼlim-tarbiyasidagi dolzarb mavzularga bagʻishlangan", — deydi Lola Karimova.

Taʼkidlanishicha, ushbu jurnal turli yoshdagi bolalarni yaxshiroq tushunish, alohida ehtiyojga ega bolalarni parvarishlash va rivojlantirish sohasida pedagog va ota-onalar uchun qoʻllanma sifatida 2005 yilda tashkil etilgan.

Lola Islomovna Karimova-Tillyayeva - Sputnik Oʻzbekiston
Jamiyat
Lola Karimova-Tillyayeva jamgʻarmasi 15 ming bolaga yordam berdi
Jurnalda bolaning taʼlim-tarbiyasidagi yangi uslublar, turli rivojlantiruvchi oʻyin va dasturlar, shuningdek, mazkur sohadagi ilmiy izlanishlarga oid maqolalar chop etiladi.

Oʻzbekistonning turli hududlaridan psixolog, pedagog hamda maorif va sogʻliqni saqlash tashkilotlari mutahassislaridan shakllangan mualliflar guruhining safi kengayib bormoqda.

Jurnal YUNISEF bolalar fondi, Xalqaro mehnat tashkiloti, "SOS-bolalar shaharchasi" Uyushmasi, BMT rivojlanish dasturi, Yevropa ittifoqi delegatsiyasi kabi xalqaro tashkilotlari bilan hamkorlik qiladi.

"Bola va zamon" jurnali haqida batafsil maʼlumotga uning Facebookdagi sahifasi orqali ega boʻlishingiz mumkin.

Yangiliklar lentasi
0
Avval yangilariAvval eskilari
loader