Tergov qo‘mitasi terrorchining ota-onasini so‘roq qildi

TOShKENT, 4 apr — Sputnik. Rossiya Tergov qo‘mitasi Sankt-Peterburg metrosida o‘zini portlatib yuborgan xudkush-terrorchining shaxsini aniqladi.

"U Akbarjon Jalilov bo‘lib chiqdi. U1995 yilning 1-aprelida Qirg‘izistonning O‘sh viloyatida tug‘ilgan, ayni damda Rossiya fuqarosi", — deyilgan qo‘mita xabarida.  

Ekspert kriminalistlar aniqlashiga ko‘ra, Jalilovning biologik izlari «Ploshad Vosstaniya» bekatida qoldirib ketilgan, portlamay qolgan bombada ham topilgan.

O‘tkazilgan tezkor qidiruv tadbirlari doirasida Jalilovning ota-onasi shaxsi aniqlanib ular so‘roq qilingan.

"Qidiruv-tergov ishlari doirasida Jalilovning ota-onasi so‘roq qilindi. Boshqa hech narsa ayta olmaymiz. Qirg‘iziston maxsus xizmatlari biz bilan aloqada", — deyilgan huquqni saqlash organlari xabarida.

Akbarjon Jalilovning Qirg‘izistondagi hayoti haqida ma’lumot juda kam.

Xabarda aytilishiga ko‘ra u 2011 yilga qadar O‘sh viloyatida yashagan. Qirg‘iziston fuqaroligini olmagan, chunki balog‘at yoshiga yetmasdan Rossiyaga ko‘chib ketgan. Kelajkda Jalilovning ota-onasi vataniga qaytgan, lekin uning o‘zi Rossiyada qolgan.

Jalilovning qo‘shnilari aytishiga qaraganda ularning oilasi tinch yashagan, hech qanday mojarorlarga aralashmagan.

"Ular bu yerga 5-6 yil oldin ko‘chib kelishgan edi. Otasi ko‘p yillar davomida Rossiyada edi. Ular tinch oila edi, hech qanday mojarolarga aralashmas edi. Bu oila haqida bilganim shu", — deb izoh bergan Jalilovlar qo‘shnisi matbuot vakillariga.