O‘zbekistonda 3 nafar vatan xoinlari fosh etildi

© Sputnik / Ramil Sitdikov / Mediabankka o‘tishAyblanuvchi
Ayblanuvchi - Sputnik O‘zbekiston
Obuna bo‘lish
Ayni paytda diniy ekstremizm, aqidaparastlik va terrorizm dunyo ahlining xavfsizligiga jiddiy tahdid solayotgani ko‘pchilikka sir emas. Yovuz niyatli diniy ekstremistik va terrorchi oqimlarning tarafdorlari xalqning tinch-totuv hayotiga raxna solishga, ayniqsa, kelajak egalari bo‘lgan yoshlarni yo‘ldan ozdirishga harakat qilmoqda

TOShKENT, 10 apr — Sputnik. Insonning o‘z yurtiga va xalqiga xiyonat qilishi og‘ir gunohdir. Ana shu haqiqatni anglab yetmaganlar bugun oilasi, xalqi, Vataniga xoinlik qilish yo‘liga kirib qolmoqda. Ammo ular bunday qabihliklar ortida achchiq qismat yotganligini afsuski, kech anglamoqda. Dilshod Halimov, Akmal Qayumov va Hasan Hamidov kabi kimsalar ana shunday achchiq qismatga duchor bo‘lishdi, deb yozadi "Zarafshon" nashri.

Diniy oqimlarga qo‘shilgan 19 yoshli o‘zbekistonlik 7-yilga qamaldi
Nashrda yozilishicha, maktabni tugatib, bir oz muddat bekor yurgan Dilshod mo‘may pul topish ilinjida Rossiyaga jo‘naydi. Bir necha yillar davomida o‘zga yurtda ishlab, ma’lum bir vaqtlarda O‘zbekistonga ham kelib ketib yuradi. Uylangandan so‘ng turmush o‘rtog‘i bilan yana Rossiya Federatsiyasiga qaytib ketadi. U ishlab yurgan kezlarida tojik millatiga mansub Bahodir ismli yigit bilan tanishib, undan diniy ilm va namozni o‘rgana boshlaydi.

Internet tarmog‘i va DVD disklar orqali diniy ekstremistik va aqidaparastlik ruhidagi ma’ruzalarni tinglashni odat qiladi. Qolaversa, doimiy yashash uchun O‘zbekistonga qaytganida ushbu ma’ruzalarni o‘zi bilan yashirin tarzda olib keladi. "Jihod", "hijrat" va "xalifalik" kabi mavzularga yo‘g‘rilgan bu ma’ruzalarni oila a’zolaridan pinhon tutadi.

Shunday kunlarning birida u masjidga qatnab yuradigan Akmal Qayumov bilan hamsuhbat bo‘ladi va unda ham o‘zidagi kabi turli ma’ruzalar borligini biladi. Diniy ekstremizm va aqidaparastlik ruhidagi ma’ruzalar ularning ko‘zlariga butkul parda tortadi. Yangi sheriklar izlab, qo‘l telefonlarida ushbu ma’ruzalarni olib yuradi. Ularning navbatdagi sheriklari Firdavs va Elbek bo‘ladi.

Hamtovoqlar til biriktirib, O‘zbekiston Respublikasi konstitutsiyaviy tizimiga tajovuz qilish mazmunidagi ma’ruzalardan saboq oladi. Ular 2013-2015 yillar davomida jamoat xavfsizligiga qarshi jinoyat sodir etish maqsadida Afg‘oniston, Suriya, Iroq davlatlarida tashkil qilingan diniy ekstremistik guruhlar g‘oyalarini boshqalarga ochiqdan-ochiq targ‘ib qiladi.

Rossiya Federal Xafvsizlik xizmati - Sputnik O‘zbekiston
Rossiyada terrorchilarga ko‘maklashganlikda ayblanib 6 nafar markaziy osiyolik qo‘lga olindi
Turli davralarda ma’ruza va videolarni qo‘yib, diniy suhbatlar o‘tkazadi. Kishilarni mujohidlar, ya’ni Suriyadagi terrorchi guruhlar safiga qo‘shilishga da’vat etadi. O‘zlari ham tezroq Turkiya va Suriya davlatlariga chiqib ketish rejasini tuzadi. Ularning safiga Hasan Hamidov ham qo‘shiladi.

Bu orada Rossiya Federatsiyasiga ketgan Firdavs O‘zbekistonda qolgan sheriklari bilan doimiy aloqada bo‘ladi va boshqa xorijiy davlatlardan sheriklar topib, ular bilan doimiy muloqotda bo‘lishga harakat qiladi.

Ammo ular o‘zlarining yovuz rejalarini amalga oshirolmadi, qabih niyatlariga yetisha olmadi. Bu kimsalarning jirkanch qilmishlari huquq-tartibot organlari tomonidan fosh etildi. Ularga qonun doirasida tegishli jazo tayinlandi.

Yangiliklar lentasi
0