TOShKENT, 13 apr — Sputnik. AQSh birinchi marta eng kuchli yadrosiz bombani jangovar sharoitda qo‘lladi: bomba Afg‘onistondagi "Islom davlati" terrorchilik uyushmasi jangarilariga qarshi ishlatildi, deb xabar qildi RIA Novosti nashriga Pentagon matbuot-xizmati.
Vakil bomba AQSh tomonidan qo‘llanilgan eng kuchli yadrosiz qurol bo‘lganini tasdiqlagan.
Pentagon vakilining so‘zlariga ko‘ra, bomba MS-130 samolyotidan tashlangan.
Ochiq manbalarda tarqatilayotgan xabarlarga ko‘ra, bunday bombaning og‘irligi 9,5 tonnani tashkil qiladi.
Bunday bomba yordamida yer ustida bir necha yuz metr masofada joylashgan har qanday inshoot, tank va askarlarni, yer ostida 30 metr chuqurlikda qurilgan inshootlarni, g‘or va boshqa tabiiy to‘siqlar ortida yashiringan dushman kuchlarini yo‘q qilib yuborish mumkin.
AQSh Afg‘onistonda ID yo‘q qilinmagunga qadar hujumkor operatsiyalar davom ettirilishini ma’lum qilgan.
