Shimoliy Koreya uchun tomosha yoxud AQSh nega Afg‘onistonga "bombalarning onasi"ni tashladi?

© REUTERS / KCNAKXDR ballistik raketalarni uchirmoqda
KXDR ballistik raketalarni uchirmoqda - Sputnik O‘zbekiston
Obuna bo‘lish
Kuni kecha Amerika Qo‘shma Shtatlari Afg‘onistondagi "Islom davlati" terrorchilariga qariyb 10 tonnalik o‘ta kuchli bomba bilan zarba berdi

TOShKENT, 14 apr — Sputnik. AQSh tomonidan Afg‘onistonda "Islom davlati" jangarilariga qarshi favqulodda kuchli yadrosiz bombaning ishlatilishi o‘z samarasini ko‘rsatdi, bu shuningdek, Shimoliy Koreya uchun signal bo‘lishi mumkin, deb ta’kidladi RIA Novosti nashriga Hudson Institute harbiy-siyosiy analiz markazi rahbari Richard Vays.

B-52, Amerika bombardimonchi samolyoti Afg‘oniston osmonida - Sputnik O‘zbekiston
AQSh Afg‘onistonga eng kuchli bombani tashladi
"Yaqqol ayonki, ushbu qurol "ID" qazgan yer osti yo‘laklar va bunkerlarni yo‘q qilib yuborishda samarali bo‘ldi. Bundan tashqari, Tramp, AQSh harbiy kuchlari "ID" ustidan g‘alaba qozonish uchun har qanday quroldan foydalanishlarini alohida ta’kidlagan edi", — deb aytgan agentlikka suhbatdosh.

Ekspertning aytishicha, ayrim kishilar bu Shimoliy Koreya uchun signal bo‘lishi mumkin, degan fikrlarni yoqlamoqdalar. AQSh o‘zining ushbu harakati bilan KXDRning yer osti raketalari va artilleriya moslamalari ular Seulni yo‘q qilishlaridan oldinroq vayron qilinishiga shama qilgan bo‘lishi mumkin.

Eslatib o‘tamiz, kuni kecha AQSh "ID" terrorchilik uyushmasiga qarshi birinchi marotaba GBU-43 deb nomlangan o‘ta kuchli yadrosiz bombani qo‘lladi. Og‘irligi 9,5 tonna zarad MS-130 samolyotidan tashlab yuborilgan. Ta’kidlarga ko‘ra, AQSh zaxirasida ana shunday quroldan 15ta bor.

AQSh prezidenti Donald Tramp ta’rifiga ko‘ra, bu Amerika qurolli kuchlarining "o‘ta omadli missiyasi" bo‘ldi. U shuningdek, AQSh "dunyodagi eng qudratli qurolli kuchga egaligini va u o‘z vazifasini bajarganini" qo‘shimcha qilgan.

Afg‘oniston hukumati ushbu hodisa yuzasidan hozircha hech qanday munosabat bildirmagan.

OAVlarda berilayotgan xabarlarga ko‘ra, AQSh tomonidan eng kuchli bo‘lgan yadrosiz bombaning qo‘llanilishi oqibatida "Islom davlati" terrorchilik uyushmasining kamida 36 nafar jangarisi yo‘q qilingan. Bu haqda AQSh Mudofaa vazirligi tomonidan qilingan bayonot asosida Frans Press agentligi xabar bergan.

Yangiliklar lentasi
0