Xalq banki O‘zbekistonda pensiya olishning yangi qoidalari haqida axborot berdi

TOShKENT, 14 apr — Sputnik. "Pensiya va nafaqa to‘lash mexanizmini yanada takomillashtirish to‘g‘risida"gi qarorga asosan Xalq banki – respublika bo‘yicha pensiya va nafaqalar to‘lash huquqiga ega bo‘lgan yagona bank bo‘ldi.

Shu kunlarda Xalq banki matbuot-xizmati pensiya olish tartibi yuzasidan hamda savollar va takliflar masalasida qayerga murojaat qilish mumkinligi haqida ma’lumot berdi, deb xabar qilmoqda "Podrobno.uz" nashri.

Xabarga ko‘ra, pensionerlar oylik to‘lovlarni jadvalga muvofiq posolka, qishloq, ovul va mahallalardagi fuqarolar yig‘inlarida olishlari mumkin bo‘ladi. Jadvalda belgilangan vaqtda pensiyani olishga ulgurmaganlar o‘z pullarini boshqa kunlarda oladilar. Shuningdek, pensiyasi uyga olib kelib beriladigan shaxslar ro‘yxati ham tuzilgan.

Mahalliy boshqaruv organlari uchun aholi aholi uchun qulay bo‘lgan ma’muriy binolardan Xalq bankining maxsus kassalari faoliyati uchun bepul ravishda alohida xona ajratib berishlari kerak.

Yuqoridagi qarorni hayotga tatbiq etish uchun amalga oshirilishi lozim bo‘lgan tadbirlarning barchasi respublika miqyosida 15-iyun sanasiga qadar o‘z nihoyasiga yetkazilishi rejalashtirilgan.

Agar pensiya va nafaqalar berilishi tartibi haqida savollar bo‘lsa, Xalq banki harakati(harakatsizligi) yuzasidan e’tirozlar bo‘lsa yoxud pensiya va nafaqalar berilishi tartibini takomillashtirish yuzasidan takliflar bo‘lsa quyidagi manzillar bo‘yicha murojaat qilish so‘raladi:

Xalq banki ishonch telefoni: (0371) 200-00-55

Boshqaruv Raisi virtual qabulxonasi: (0371) 236-16-23, br.xb.uz

Elektron pochta manzili: murojaat@xb.uz