TOShKENT, 19 apr — Sputnik. KXDR AQShga raketa zarba berilishi "o‘xshatib ko‘rsatilgan" videoni namoyish qildi, deb xabar tarqatdi RIA Novosti.
Shimoliy Koreya yetakchisi Kim Chen Inning bobosi Kim Ir Sen tavalludining 105-yilligiga bag‘ishlab o‘tkazilgan tantanali marosimda namoyish qilingan videoda yangi ballistik raketa uchirilishi tasvirlangan.
Kadrlarda snarad okean ustidan uchib o‘tib, AQSh shaharlaridan biriga zarba berishi aks ettirilgan. Keyingi kadrlarda qabriston fonida yonayotgan Amerika bayrog‘i paydo bo‘ladi.
Qo‘shiqlarni birini matnida "Tepxodon raketasi chaqmoq misoli va imperializmga chaqiriq tashlashga tayyor"ligi haqida so‘zlar bor.
Vashington Pxenyanga mavjud vositalar bilan ta’sir o‘tkazishga va "tinchlikni kuch bilan o‘rnatishga" tayyorligi haqida bir necha bor aytgan. Bunga javoban Shimoliy Koreya provokatsiyalarga yadro zarbasi bilan javob qaytarishini ma’lum qilgan.
